До полнолетство ја криеше од очите на јавноста, нејзини фотки се најдоа на Тиндер – Што знаеме за Уна, ќерката на Здравко Чолиќ?

Детали

среда, 31 мај 2023

За Уна Чолиќ често коментираат дека му задава вистински главоболки на нејзиниот татко Здравко Чолиќ заради провокативните фотографии што ги објавува. Тој самиот вели дека таа во моментов е пославна од него, а Уна на Инстаграм со емотивна порака му го честиташе 72-иот роденден.

Легендарниот пејач Здравко Чолиќ, го прослави својот 72-ри роденден, а на социјалните мрежи неговата ќерка Уна Чолиќ (21) објави повеќе фотографии со кои што му го честиташе.

„Среќен роденден на најдобриот татко. Ти си моја гордост. Те сакам“ – напиша таа на фотографиите.

Здравко Чолиќ во една пригода изјави дека е премногу попустлив со ќерките и дека едноставно не може да им каже не, па неговата сопруга мора да биде строга.

Здравко е во брак со сопругата Александра од 2001-ва година, кога ја добија и ќерката Уна, додека 5 години подоцна, во 2006-та година, ја добија и ќерката Лара.

Интересно е тоа што Здравко е многу повлечен кога станува збор за приватниот живот и се обидува максимално да ги скрие својата сопруга и ќерки од очите на јавноста. Тој во една пригода откри како реагираат тие со оглед на тоа што пејачот постојано има настапи и отсуствува од домот.

„Ништо не ми замеруваат. Што има да ми замеруваат?

Се сакаме. Тие знаат и навикнати се дека сум многу посветен на музиката.

Иако семејството го сакам повеќе, сепак музиката е таа што ми прави задоволство. Нема поубав звук од оној на инструментот што ќе го понесе ритамот“ – вели Здравко.

Сепак, иако Здравко долго време се трудеше да ја крие Уна од очите на јавноста, таа откако стана полнолетна почна активно да споделува фотографии на социјалните мрежи и моментално на Инстаграм има над 42.000 следбеници.

Нејзините фотографии од патувањата и излегувањата со пријателките, честопати и во мошне смели модни изданија и бикини, привлекуваат внимание и кај српските медиуми, а во една пригода самиот Здравко изјави дека неговата повозрасна ќерка е пославна и од него:

„Уна е сега попопуларна и од мене. Има свои обожаватели. Шега настрана, сето тоа е добро, нека биде така. Но, мене другата ќерка Лара ме воодушевува затоа што ги знае сите мои песни“ – рече тој.

Инаку, свој профил на Инстаграм има и помалата ќерка Лара, но таа сѐ уште нема толку многу следбеници како нејзината сестра.

Инаку, во февруари годинава Уна се огласи и бараше некој да ја сопре личноста што ги зема нејзините фотографии и лажно со нив се претставува на апликацијата за запознавање Тиндер.

Погледнете повеќе фотографии од Уна на следната страница...