Факти за Тарик Филиповиќ – го сака посинокот како свое дете, сопругата му е вистинска убавица

Тарик и Лејла на почетокот ја криеле врската од јавноста, но во 2007-ма година кога таа ја преземала наградата за Тарик на весникот „Večernji“ затоа што тој задоцнил на церемонијата, па сите дознале дека тие двајца се заедно.

Набрзо по ова, Тарик ја запросил Лејла додека биле на венчавка каде што тој бил кум. Се венчале на 13-ти јануари 2007-ма година, а 2 месеци подоцна тие го добиле синот Арман.

Тарик присуствувал за време на раѓањето на Арман, а во една пригода раскажа какво било искуството:

„Го снимав породувањето естетски, па максимумот што може да се види се главата и врвовите на колената. Дури и асистирав со една рака.

Нашата бабица ми велеше дека ќе паднам во несвест, но јас бев со камерата. Претходно ги забавував другите жени на боксовите и тоа беше вистинско шоу.

Во тој миг кога нашиот Арман дојде на свет, ми дадоа ножици за да ја пресечам папочната врвка. Сѐ е убаво снимено“.

Многупати го прашувале за тоа како тој го прифатил синот од претходниот брак на неговата сопруга, а тој јасно нагласува дека Дино го сака исто како да е негово дете.

„Никогаш во животот не ни помислував дека ќе се вљубам во жена што веќе има дете. Но, кога сфатив дека Лејла е вистинската жена за мене и да имаше пет деца, иако знам дека ќе ни беше потешко, немаше да се откажам од неа“ – рече тој.

Во една пригода Лејла рече дека Тарик е мошне внимателен сопруг, кој ги помни сите важни датуми во нивниот живот, ги слави годишнините и сите прослави и тоа е мошне убаво.

Во 2013-та година актерот имаше сообраќајна несреќа кога теренско возило налетало на него на пешачки премин, но за среќа тој останал само со помали телесни повреди. Тој во една пригода рече дека секогаш го фаќа паника од сообраќајни несреќи.

„Освен стравот од височина и смртта на блиските, се згрозувам од автомобилските несреќи. Не сакам брзо возење, никогаш не сум ни сакал. Не се чувствувам сигурно кога се возам со преголема брзина“ – рече тој.

Б. С. Б. | Црнобело/ фото: Инстаграм