Николина Пишек по бикини на Родос ги разбесни фановите: „Островот гори, луѓето страдаат, ти објавуваш вакви фотки“

Детали

петок, 28 јули 2023

„Време за опуштање. Без објаснување, без зборови. Потребен ми е одмор од сè“, напиша Пишек на серијата фотографии од плажа од островор Родос, каде локалното население се бори против огнената стихија, а многу туристи се евакуираат. Поради фотките, Николина се соочи со бројни критики.

Една од најпознатите хрватски водителки, Николина Пишек, е на летување во Грција, од каде што секојдневно споделува фотографии и видеа. Таа беше во Атина, на Миконос, но и на островот Родос, во време кога таму беснеат едни од најголемите пожари во земјата.

Водителката објави неколку фотографии на плажа, но и од прошетката по островот и покажа како се забавува.

„Време за опуштање. Без објаснување, без зборови. Потребен ми е одмор од сè“, напиша Пишек на серијата фотографии од плажа, на кои носи резеда бикини.

Нејзините фотки колку што предизвикаа воодушевување кај едни, толку наидоа на осуда кај дел од нејзините следбеници на Инстаграм.

„Островот гори, луѓето страдаат, од каде потребата да објавуваш вакви фотки?“, ѝ напишаа разбеснетите фанови во коментар.

Ова предизвика дебата дали треба да се фали колку ѝ е убаво на плажа додека локалното население се бори против огнената стихија, а многу туристи се евакуираат.

„Сигурно ѝ е скапо во Хрватска, па морала да дојде во Грција на летување“, „Срам да ти е“, „Уште не си евакуирана?“, „Уште е во жалост“ - стои во коментарите.

Пишек, која има неколку тешки години зад себе, во моментов е на Санторини.

Таа последниве месеци е постојано во центарот на вниманието на балканската јавност, особено откако призна дека нејзиниот починат сопруг Видоје ја изневерувал и дека во моментот кога починал, бил со својата љубовница.

Прочитајте и Николина Пишек потврди дека нејзиниот сопруг бил со љубовницата кога починал - свекорот бесен ѝ се заканува

А. Ј. | Црнобело