Ана Николиќ задоцни 3 часа на роденденот на ќерката, дојде со флеки на колената: „Ќе направам сѐ за да не тргне по моите стапки“
- Детали
- петок, 04 август 2023
„Тара е скромна на мене, бараше да ѝ купам кристални фигури од сите можни животни“ – Ана Николиќ откри што ѝ купила на ќерката за роденденот. Пејачката на забавата задоцни неколку часа, а се појави со флеки на фустанот. Нејзиниот поранешен сопруг Раста, пак целосно го промени имиџот.
Српските музичари Ана Николиќ и Стефан Ѓуриќ Раста вчера (03.08) го прославија 6-иот роденден на нивната ќерка Тара. Парот организираше забава во луксузна вила на периферијата на Белград, а како што може да се види од фотографиите и видеата објавени од присутните, декорацијата е инспирирана од светот на Покемоните.
Раста дојде меѓу првите на забавата заедно со малата Тара која на себе носеше црн фустан, а забележително е што пејачот го промени имиџот по кој со години наназад беше препознатлив. Тој за првпат во јавност се појави без суканици, а според објавите во српските медиуми средбата со Ана ги изненадила сите, затоа што тие двајца биле расположени и разговарале насмеани.
Инаку, Ана која во изминатиот период мина низ повеќе скандали, поврзани со нејзината кариера и пороците, за првпат го покажа лицето во јавност и покажа дека успеала да го реши проблемот со кожата и да ги излекува големите дупки на челото што во изминатиот период ги криеше со шешири и модни додатоци.
Сепак, таа на роденденот дојде цели 3 часа по започнувањето на прославата, а додека даваше изјава за медиумите, забележително е дека имаше дамки на фустанот кај колената, по што може да се претпостави дека најверојатно паднала некаде.
фото: YouTube - принтскрин
Иако прво одбиваше да даде изјава за медиумите, сепак на крај застана и одговори на неколку кратки прашања.
На прашањето што ѝ купила за роденден на ќерката, Ана рече дека ѝ купила фигури од Swarovski, од сите можни животни.
„Таа тоа го бараше од мене. Скромна на мене. Цела е на мене“ - по што новинарите коментираа дека нејзината ќерка веднаш почнала да позира пред камерите, на што Ана додаде:
„Сака да позира, а и јас сакам да позирам и знам како.
Тара минатата година ме праша: ‘Мама зошто си мрачна?’, но веднаш заборави на тоа кога некои девојчиња ја викнаа да се слика со нив“ – одговори пејачката.
На прашањето што би направила ако Тара тргне по нејзините стапки, Ана кратко одговори:
„Ќе направам сѐ да не дојде до тоа“.
Б. С. Б. | Црнобело
Би можело да ве интересира:
Препорачуваме
Најчитани неделава
