Eден од најфит естрадните парови во Србија: Весна (44) и Џоле Џогани (63) во топ форма на плажа

Детали

среда, 09 август 2023

„Покрај другото, се занимавам и со јога и спојот на физичкото и духовното носи најдобри резултати. Исто така, живеам здраво, не пушам, не пијам, рано си легнувам и мора одредени одрекувања за да изгледате фит“, вели Џоле Џогани на прашањето како изгледа така фит на 63 години.

Весна и Џоле Џогани долги години наназад во Србија креираат музика под името „Џогани“ и се една од групите што се прослави во целиот регион.

Покрај песните, тие се познати и по динамичните танцувачки кореографии, а токму љубовта кон танцот, во комбинација со редовните тренинзи прават години наназад да важат за еден од најфит паровите на естрадната сцена.

Летово секој слободен миг го користат за одмор и релаксација, а Весна (44) и Џоле (63) изгледаат неверојатно.

Особено Џоле, кој можеби и ќе ве збуни кога ќе чуете дека веќе е во 64-тата година од животот.

Околу тоа како го одржуваат изгледот, во една пригода Весна изјави дека не води многу сметка околу исхраната, но затоа вежба често и интензивно.

„Единствено поради работата не пијам газирано, поради гласот. Јадам грицки и разни работи, но кога ќе видам дека сум претерала – стопирам со одредени намирници“.

Џоле, пак, вели:

„Се грижам за своето тело отсекогаш и живеам спортски живот. Не знам колку луѓе знаат, но јас бев и атлетичар, а подоцна дури започнав со танцот. Константното тренирање и кореографии исто така влијае на мојот изглед.

Мора да кажам дека се занимавам и со јога и спојот на физичкото и духовното носи најдобри резултати.

Исто така, живеам здраво, не пушам, не пијам, рано си легнувам и мора одредени одрекувања за да изгледате фит“.

Повеќе фотографии од парот:

 

С. С. | Црнобело