Татко му починал во затвор, сакаше да се замонаши – Што знаеме за српскиот пејач Милан Станковиќ?

Во 2010-та година ја претставуваше Србија на изборот за песна на Евровизија, а во финалето го освои 13-тото место.

Многумина беа изненадени кога Милан одлучи да ја раскине соработката со првиот човек на „Гранд“, Саша Поповиќ, а потоа се дозна дека се скарале заради Јелена Карлеуша, затоа што тој му забранил заедно со неа да го испее дуетот „Инсомниjа“.

Последните хитови што пејачот ги сними беа во 2020-та година, со Јала Брат и Буба Корели, а оттогаш наваму веќе нема објавено нова музика.

Иако се вели дека тој не сака многу да зборува за својот приватен живот, сите знаат дека Милан беше во врска со Рада Манојловиќ, а медиумите сѐ уште ги поврзуваат иако долго време не се заедно.

На почетокот на годинава почнаа написите дека Милан планира да се замонаши во манастир. Тој поминуваше подолго време во манастирот Подмаине, во близина на Будва, и имаше гласини дека на 28-ми август годинава ќе почне со својот искушенички живот, што треба да трае околу 3 години.

Но, по подолгото отсуство од медиумите, пејачот неодамна беше забележан како се забавува на рејв журка.

Во меѓувреме голем број српски портали пишуваа дека неговите профили на социјалните мрежи биле злоупотребени и дека дел од неговите фотографии биле објавени на веб страници за хомосексуалци.

Б. С. Б. | Црнобело