Поранешна хрватска манекенка за мрачната страна на славата: „Во една година абортирав трипати, морав да се проституирам“

Детали

четврток, 16 ноември 2023

На почетокот на 2000-тите години, со сопругот имаа реално шоу во Хрватска, отворено призна дека консумирала дрога и се проституирала, а денес Симона Мијоковиќ е посветена христијанка, сопруга и мајка на 5 деца. Таа отворено зборува за хоророт што го преживеала додека копнеела за слава и јавен живот, пред да му се посвети на Христа.

Симона Мијоковиќ (38) е поранешна хрватска манекенка која на почетокот на 2000-тите години беше мошне популарна и ги полнеше балканските таблоиди со своето скандалозно однесување.

Денес таа целосно е свртена кон христијанството и Бог, мајка е на пет деца, како и сопруга на Станислав Мијоковиќ кој е голем верник и во младоста сонувал да стане свештеник, а заедно живеат во Линц, Австрија.

Но, животот на Симона пред да го запознае Станислав беше мошне поинаков. Таа денес ретко дава интервјуа и се труди да го чува сопствениот приватен живот подалеку од очите на јавноста, но често знае да открие детали за мрачниот живот како манекенка и ријалити ѕвезда во Хрватска.

Во периодот на својата најголема слава, на почетокот на 2000-тите години, Симона беше во брак со хрватскиот бизнисмен Анте Готовац, со кого имаа свое ријалити шоу, насловено „Готовчеви“, а учествуваа и во реалното шоу „Фарма“.

Во 2007-ма година тие двајца заедно ја добија ќерката Габријела, а официјално се разведоа во 2010-та година.

Откако Симона ја објави својата авторска книга „Ангел“, во која зборуваше за периодот во кој беше ријалити ѕвезда и манекенка, нејзиниот поранешен сопруг одлучи да ѝ одговори така што обајви друга книга насловена „Ѓавол“.

Анте тврдеше дека Симона за време на бременоста консумирала алкохол и опојни супстанци и дека редовно учествувала во оргиите во нивниот дом, затоа што тие двајца немале сексуален живот, а таа му се придружувала кога тој имал односи со други девојки.

Сега, 15-тина години подоцна, Симона не крие дека водела „разуздан“ живот и дека воопшто не се гордее со своето минато.

Таа неодамна даде интервју за хрватските медиуми, каде изјави дека мрачниот период од нејзиниот живот започнал уште пред да го запознае Анте.

Таа откри дека пред да ја започне врската со Анте, била заедно со еден „прикриен дилер“, кој ја уверил дека сака да основа семејство со неа.

„Во една година имав три абортуса и тоа врз мене остави неизбришлива трага. Господ Бог ме исцели кога го родив синот Михаел“ – рече таа и додаде дека исто така била и во неколку хомосексуални врски.

Симона и претходно јавно говореше за овој период од нејзиниот живот, откривајќи дека често одела на приватни забави, па почнала да се занимава и со проституција.

„Повеќепати сум сведочела за тоа како изгледаше мојот живот пред Христос. Бев во блуд, дрога, проституцијата ме зафати, боледував од булимија 14 години. Моето тело и дух беа заробени.

Фала му на Бога што влезе во тој пекол, ја побара својата изгубена овчичка и ме однесе во стадото“ – рече таа во една пригода.

Во 2016-та година Симона се омажи за сопругот Станислав со кого доби уште 4 деца. Интересно е што патот кон црквата ѝ го покажал токму првиот сопруг, кој ја одвел таму со цел да ѝ помогне да се справи со зависностите.

Б. С. Б. | Црнобело / фото: Фејсбук