Цеца за Анастасија: „Разбирам зошто не си доаѓа, најголемата болка годинава ја доживеав заради неа“

Детали

вторник, 19 декември 2023

„Годината беше шаренолика. Имав многу успешни концерти, многу радости, среќа, а имав и еден дел каде доживеав огромна тага и болка кога станува збор за Анастасија“ – Цеца Ражнатовиќ се обиде во една реченица да сумира како ѝ поминала 2023, а откри кој ѝ бил најтешкиот период.

Српската пејачка Цеца Ражнатовиќ во изјава за српските медиуми зборуваше за тоа како ја поминала 2023-та година, а рече дека најголемата болка ја доживеала во периодот кога Анастасија го загуби бебето во петтиот месец од бременоста.

Цеца вчера (18.12) имаше слава во својот дом. Таа го слави празникот Свети Никола, а според пишувањата во медиумите Анастасија, која летово стапи во брак со фудбалерот Немања Гудељ, не дошла во домот на нејзината мајка и одлучила да остане во Шпанија, од каде неодамна сподели фотографии.

„Анастасија е сега во Шпанија, оправдано е отсутна. Не застана со кариерата, јас целосно ги разбирам нејзините приоритети, таа би сакала да прави семејство. Јас во тоа целосно ја поддржувам“ – изјави претходно Цеца.

Што се однесува за изминатата година, Цеца во друга изјава рече дека таа била променлива.

Во семејството добија нов член, Вељко го доби вториот син Жељко, Анастасија го загуби бебето, па потоа објавија дека снаата Богдана повторно е бремена и го очекуваат третото дете.

Цеца се обиде во една реченица да ја опише годината што изминува и откри кој ѝ бил најболниот период во 2023-та:

„Годината беше шаренолика. Имав многу успешни концерти, многу радости, среќа, а имав и еден дел каде доживеав огромна тага и болка кога станува збор за Анастасија.

Па, пак радосни вести, Богдана и Вељко чекаат трето бебе, момче.

Не можам да кажам дека годината беше грозна, ниту дека беше блескава, но сепак, велам животот оди понатаму, се гледа на позитивното, важно ми е тоа што мојата ќерка е добро“ – нагласи Цеца.

Б. С. Б. | Црнобело