„За да добие пари од мене, мора да ми роди барем 2 деца“ – Што зборуваше првиот сопруг на Јелена Карлеуша по разводот?

Детали

недела, 24 декември 2023

Постапката за развод била завршена за неколку дена. Бојан ја извадил бурмата веднаш по разводот и веќе не сакал ниту еден збор да размени со неа во животот... Што откри првиот сопруг на Јелена Карлеуша, Бојан Кариќ, по нивниот развод?

Српската пејачка Јелена Карлеуша деновиве за првпат по 20 години се осврна на аферата со телохранителот, заради која наводно се развела од првиот сопруг Бојан Кариќ.

Таа подоцна рече дека очекува во секој миг да ѝ се јави неговиот адвокат и да ѝ се закани со тужба, но тоа не ја спречило да го каже она што ѝ тежело со години наназад.

„Бојан сѐ уште не се јавил. Чекам некоја тужба, неговиот адвокат да се огласи, тој го сака тоа...“ – рече Јелена.

Разводот на Јелена Карлеуша и Бојан Кариќ со години наназад беше вистинска мистерија и тие двајца речиси и да не даваа изјави за причините заради кои одлучиле да се разделат, но во медиумите долго се ширеа гласини дека пејачката го изневерила сопругот со телохранителот и дека тој ги фатил „на дело“ на задното седиште во автомобилот.

Беа во врска две години, па се венчаа, но бракот им траеше кратко. Додека беа заедно, се пишуваше дека тие двајца се среќни и дека веќе ги имаат испланирано и имињата на нивните деца, но брачната идила траеше само 3 месеци.

Двајцата живееја во стан додека чекаа да им биде завршена куќата каде што требаше да се преселат, но ништо од соништата.

Многумина шпекулираа дека Јелена е во врска со богатиот наследник само заради неговото богатство и затоа што тој е син на Сретен Кариќ, брат на политичарот и бизнисменот Богољуб Кариќ. Па, кога бракот се заврши по само 3 месеци, сите побрзаа да ја оцрнат пејачката.

Бојан Кариќ е во брак со Маша Николиќ од 2009-та година, со која ги има близнаците Теодора и Тара.

Во продолжение да се присетиме на тоа што Бојан го зборуваше за Јелена непосредно по нивниот развод:

Набрзо по разводот Бојан не сакаше да ги коментира причините зошто се разделиле. Тој само рече дека правната разврска на бракот траела неколку дена, дека ја извадил бурмата денот кога се развел и дека со Јелена не планира да размени ниту збор до крајот на животот.

Тој во една пригода рече дека планирал со неа да го помине животот.

„Воопшто немаше да се женам, ако не беше така. Сѐ функционираше убаво додека не се случија некои работи. Што било, било, ставив точка и го живеам својот живот“ – изјави Бојан.

Бојан нагласи дека не се кае за врската со неа и дека поминал две преубави години додека биле заедно, а по разводот успеал да се помири со работите што се случиле и да продолжи понатаму.

Продолжува на следната страница...