Купишта ѓубре по улиците – Солун по дочекот на Нова година (видео)

Детали

вторник, 02 јануари 2024

На Инстаграм видео направено по дочекот на Нова година во Солун, се гледа дека улиците во центарот на градот се прекриени со ѓубре – летоци, пластични шишиња, чаши и кеси има насекаде.

Како скоро сите големи градови, и во Солун се организира прослава за дочек на Нова година.

И додека годинава прославата сигурно била забавна, она што локалците и туристите го оставиле зад себе не е најдобрата глетка.

На Инстаграм е споделено видео од Солун направено по дочекот на Нова година.

Еден инсерт од видеото е навечер, најверојатно откако прославата завршила, а едниот инсерт е направен наутро, веројатно на 1-ви јануари.

По улиците на Солун се гледаат купишта ѓубре – преполни контејнери, бројни празни шишиња, пластични ќеси, пластични чаши… Во еден кадар се гледа и автомобил врз кој им оставено чаши и друг отпад.

Во коментари, корисниците ги осудуваат оние кои славеле во Солун:

„Не само што луѓето се неверојатни и не им е гајле, туку истото важи и за комуналните служби. Во Беч после 1 часот по полноќ камионите почнуваат да го чистат градот“.

„Изгледа како комуналната служба да им штрајкува цел месец“.

„Изгледа како по нуклеарна катастрофа“.

„Ова сигурно не е направено од локалци, туку туристи кои отишле таму да слават. Изгледа немаат ни малку култура во себе…“

Сепак, една жена која наводно била во Солун, вели дека оваа глетка е сосема нормална.

„На огромен број луѓе кои почнаа да слават од утринските часови на 31-ви декември, па сè до после полноќ, нормално е да има ваков неред. Улиците беа преполни, се играше и пееше, се пиеше и јадеше.

Сообраќајот едвај се пробиваше низ улиците кои беа преполни. Околу 9-10 часот наутро, сè беше спакувано во кеси и кутии и однесено во депонија, а не во морето“.

Погледнете го видеото:

Спирова С. | Црнобело