Србинка, омажена за казахстански милионер: „Да завршев факултет, немаше да стигнам дотука“

Детали

среда, 24 јануари 2024

Србинката Милица Полскаја редовно се фали со луксузниот живот, а сега рече дека не зажалила затоа што не завршила факултет. Наместо професија, вели дека избрала семејство.

Српската инфлуенсерка Милица Полскаја редовно се фали со луксузот во којшто живее откако се омажи за богат Казахстанец, а деновиве одговарајќи на прашања од следбениците, рече дека никогаш не зажалила затоа што не завршила факултет.

Милица Полсакаја во 2010-тата година учествуваше во изборот на Мис на Србија, а денес е сопруга на казахстански милионер со кого има 4 деца. Но, на социјалните мрежи привлекува внимание со луксузот во којшто живее и со своето извајано тело.

Речиси сите ги интересира како оваа девојка од Ниш, која студирала правен факултет и никогаш не го завршила, стасала од Србија во Казахстан, каде живее како сопруга на милионер.

Изминатите денови таа одговараше на прашања од следбениците на Инстаграм, а еден од нив ја прашал:

„Дали жалиш што не си завршила факултет? Јас го промашив, но го завршувам... Имаш ли некој совет?“

На ова, Милица даде сосема неочекуван одговор. Според неа, тоа што се откажала од високото образование ѝ помогнало да стаса денес таму каде што е во животот.

„Не жалам (што не завршив факултет). Да го завршев, сега немаше да бидам таму каде што сум. Денес ќе бев во Србија и ќе работев како адвокатка.

Завршениот факултет не е гаранција за добро вработување, а ниту за вработување по струка... Секако дека треба да завршите факултет ако сте во можност... Само што јас бирав меѓу факултетот и бракот. Избрав семејство“ – рече таа.

Инаку, Милица со сопругот и нивните 4 деца живее во Казахстан. Таа редовно ги чести своите следбеници со провокативни фотографии и споделува мигови од приватниот живот, а позната е и по тоа што речиси секогаш го крие лицето на сопругот.

Милица го запознала сопругот во Дубаи, додека таму работела како хостеса и модел.

Денес, таа на Инстаграм има над 340.000 следбеници.

Прочитајте и Го запознала сопругот милионер во Дубаи, на сите фотки го крие неговото лице - Која е богатата српска инфлуенсерка, Милица Полскаја?

Погледнете дел од нејзините фотографии:

Б. С. Б. | Црнобело