Глумеше во серија која доби Еми награда: Каде е денес Дениз од „Кога лисјата паѓаат“?

Детали

недела, 04 февруари 2024

Убавата турска актерка ги освои срцата на нашата публиката со улогите во сериите „Карасевда“ (единствената турска серија која има освоено Еми награда), „Бескрајна љубов“, како и „Ќерката на амбасадорот“. Денес е во среќен брак и уште се занимава со глума.

Македонската јавност првпат ја гледаше Неслихан Атаѓул во турската серија „Кога лисјата паѓаат“ каде што ја глумеше Дениз.

Оваа улога ја добила додека била студент на Универзитетот Једитепе во Турција.

Својата кариера најпрво ја започнала како модел, а на филмското платно дебитирала во 2006 година.

Родена е на 20 август 1992 година во Истанбул, а со оглед на тоа што е релативно млада, таа веќе има постигнато голем успех во актерството.

Добитник е на бројни награди за нејзините други улоги, вклучувајќи ја и наградата за најдобра актерка на Меѓународниот филмски фестивал во Токио и наградата Златна пеперутка во Турција.

Покрај тоа, серијата „Карасевда“ во која глуми и таа е првата турска серија што ја добила престижната Еми награда.

Во брак е со турскиот актер Кадир Догулу, кој ѝ го освоил срцето на снимање на една од сериите. Се венчаа по тригодишна врска на Босфор, во градината на познат хотел во Истанбул.

Но, минатата година на големо се пишуваше дека Кадир Догулу ја изневерува сопругата.

Наводно, актерот бил фотографиран во ноќен клуб со друга жена, а дел од турските медиуми објавија дури и дека склучил и верски брак со неа.

Неслихан се огласи по овие тврдења и истакна дека не е вистина она што се пишува во медиумите. 

„Што и да кажам, сите знаат дека сè што се зборува е нереално. Што и да кажам, секој суди и коментира.

Реков и пак ќе повторам - сè што се пишува се работи кои не се реални, среќни сме и презадоволни од нашата врска. Нема да се разведеме“.

Кадир, пак, на овие тврдења одговори така што истакна дека е комуникативна личност која разговара со други, но тоа е сè.

„Немам друга жена, оженет сум само со Неслихан“, низ смеа ги коментираше Кадир наводите дека се оженил со друга.

Повеќе фотки на следната страница...