Огњен Амиџиќ објави прва фотка од новородениот син: „Има коса како прваче“

Детали

среда, 13 март 2024

Сакал на синот да му даде име што ќе биде единствено, па затоа се одлучил за името Перун. Огњен Амиџиќ откри како дошол до идејата за уникатното име на својот син, а на Инстаграм ја сподели и неговата прва фотка.

Српскиот ТВ водител Огњен Амиџиќ и неговата 20 години помлада сопруга Мина Наумовиќ Амиџиќ ја објавија првата фотка од новородениот син Перун, а сите погледи се вперени во косата на бебето, бидејќи друго не се ни забележува, со оглед на тоа што го кријат лицето.

Огњен и Мина објавија фотка од синот на Инстаграм Стори, во која му го скрија лицето со бело срце, па не може да се види на кого личи, но забележително е дека малиот Перун дошол на овој свет со густа црна коса.

„Има коса како прваче. Ви благодарам на сите за убавите честитки“ – напишаа на шега на фотката.

Инаку, Мина се породи во саботата (09.03), а Огњен вчера (12.03) беше во породилиштето за да ги земе синот и сопругата дома.

Мина пред камерите се појави во бело кимоно, а не ја криеја среќата што конечно го добиле синот и што си заминуваат дома како семејство.

фото: Јутјуб - принтскрин

Претходно Огњен во изјава за медиумите појасни зошто одлучиле на синот да му дадат необично име, според врховниот бог на старите Словени.

„Јас долго размислував за тоа име и кога ѝ го предложив на Мина, веднаш ѝ се допадна. Кога го спознав ‘Перун’ веднаш реков дека тоа е тоа.

фото: Јутјуб - принтскрин

Моето име е Огњен, јас во 80-тите не познавав ниту еден Огњен кој е постар од мене. Долго време ми беше чудно. За мене Перун има добра симболика, не сум ни слушнал дека некој се вика Перун, но го имаме тоа име во семејството, сестра ми има син со истото име“ – појасни тој.

Огњен потенцира дека неговиот постар син Матеј е пресреќен што има брат, затоа што постојано посакувал да добие помало братче.

Б. С. Б. | Црнобело