Бившата му родила син, додека тој бил во врска со друга – Љубовниот живот на Лука Јовиќ е како шпанска серија

Детали

понеделник, 01 јули 2024

Јавноста дозна дека на 22 години Лука Јовиќ стана татко и доби син од бивша девојка, а само 4 месеци подоцна се дозна дека е во врска со Софија Мило… Како љубовниот живот на младиот фудбалер се претвори во шпанска серија и зошто се најде среде скандал?

Во последните неколку години на сите им е познато дека српскиот фудбалер Лука Јовиќ е во среќна врска со манекенката Софија Милошевиќ, попозната како Софија Мило, со која има две деца.

Но, малкумина се сеќаваат дека на почетокот на врската со Софија Мило, во 2019-та година, Лука Јовиќ се најде среде скандал, а неговиот љубовен живот наликуваше на шпанска серија.

Пред да ја започне врската со Софија Мило, Лука бил две години во врска со Aнгела Маниташевиќ, но кога неколку години подоцна таа го роди неговиот прв син, во таблоидите почнаа да кружат гласини дека ја изневерувал со Софија.

Никому не му беше јасно што навистина се случува, па заради тоа Софија се најде на удар, а многумина ја означија како жената која го растурила семејството на фудбалерот и го оддалечила од синот.

Во обид да го ја разјасни ситуацијата, Ангелa тогаш даде изјава во која појасни што навистина се случувало:

„Лука и јас бевме во врска од 2014-та до 2016-та година. Тогаш лудо се сакавме, но љубовта згасна и се разделивме сосема нормално, цивилизирано.

Но, во 2018-та година пак се сретнавме и проработеа страстите. Останав бремена непланирано, но кога веќе се случи – и двајцата сакавме да го родам детето.

Сега го имаме Давид и благодарни сме на тој подарок.

Но, од 2016-та година па наваму ние не сме биле во врска, имаме дете, но секој може да прави што сака“ – рече тогаш Анѓела.

Продолжува на следната страница...