Српска водителка со потресна исповед: „Суров доктор ми предвиде 10 години живот заради Адисоновата болест“

Детали

среда, 30 октомври 2024

„Првиот проблем кој го имав во текот на целиот живот беше нискиот крвен притисок. Вториот и важен симптом е што ми беше константно студено, без разлика дали е лето или зима, без разлика дали надвор е 50 или 2 степени, јас секогаш се тресев од студ...“, ја зaпочнува својата емотивна исповед Оља Црногорац.

Српската водителка Оља Црногорац во емотивни видеа со своите следбеници сподели дека боледува од Адисонова болест.

Адисоновата болест, позната и како примарна надбубрежна инсуфициенција и хипокортизолизам, е долгорочно ендокрино нарушување во кое надбубрежните жлезди не произведуваат доволно стероидни хормони.

Водителката отворено проговори за оваа дијагноза, која ѝ била поставена пред две години.

Таа откри дека наутро не ѝ се лачи кортизол и ако не го зеде својот кортикостероид би била мртва во рок од 24 часа.

Водителката сними две емотивни видеа на ТикТок, а во првото во еден момент дури и заплака, кога откри дека еден доктор сурово ѝ соопштил дека има уште 10 години живот.

За среќа, потоа имала комуникација и со друг доктор, кој ја охрабрил за нејзината состојба.

Во второто видео, пак, зборува за целиот трнлив пат кој го изодела до дијагнозата.

Во нејзината исповед таа вели:

„Луѓе, вчера ми беше навистина емотивен ден, многу од вас ми ги праќаа своите дијагнози и добивав прашања поврзани со тоа кои ми биле првите симптоми на Адисоновата болест и како сум дознала за неа.

Првиот проблем кој го имав во текот на целиот живот беше нискиот крвен притисок.

Вториот и важен симптом е што ми беше константно студено, без разлика дали е лето или зима, без разлика дали надвор е 50 или 2 степени, јас секогаш се тресев од студ.

Третиот и најважен симптом беше имунолошкиот одговор на моето тело на кој било вирус. Бев болна на 2 месеци, се соочував со температура и по 10 дена. Постојано имав гнојна ангина, постојано добивав пеницилин.

Значи, едвај успевав да се изборам и со обична кивавица.

Четвртата и важна работа беше што воопшто не се потев. Мојата кожа беше многу сува, сува уста, суви нозе, суви раце, не знам сега дали конкретно тоа има некаква врска, но претпоставувам дека има.

Најверојатно затоа што не ми се лачеше кортизол, затоа и ‘се сушев’.

И петта работа беше мигот кога докторот на мамографија ми виде некаква промена на градата и морав да заменам дел од силиконот, кој во мене беше 15 години.

И ако ви кажат дека силиконите, односно имплантите, траат до крајот на животот, тоа не е вистина.

Продолжува на следната страница...