„Децата се плашеа од неа, ме тераше да ѝ ги перам гаќите на рака“ – Дадилка откри детали за Мелина Џиновиќ

Детали

сабота, 23 ноември 2024

„Со оглед на тоа што Харис често беше на турнеи, јас мислев дека Мелина има поблизок однос со децата“ - вели дадилката која се грижела за децата на Мелина и Харис Џиновиќ, а морала да извршува и голем број други обврски за газдарицата, па дури и да ѝ ја пере облеката на рака.

Разводот меѓу пејачот Харис Џиновиќ и неговата 30 години помлада сопруга Мелина, веќе неколку месеци наназад е топ-тема во речиси сите српски таблоиди и медиуми.

По 22 години парот стави крај на бракот, а набрзо потоа почнаа и гласините дека таа има нов дечко со кого веќе подолго време имала афера.

Во екот на скандалот за српските медиуми интервју даде и поранешната дадилка на нивните деца, Џина и Кан, која рече дека воопшто не е изненадена од разводот, затоа што иако Харис (73) и Мелина (43) се труделе во јавност да се прикажат како складен пар, но ситуацијата во домот била мошне поинаква.

Таа рече дека децата биле мали кога таа се грижела за нив, но дека отсекогаш биле многу поприврзани за татко им, а дадилката морала да ги штити од Мелина.

„Тие се плашеа од Мелина и во главно морав да ги бранам пред неа, кога ќе направеа беља. Иако, на почетокот ми беше чудно, со оглед на тоа што Харис често беше на турнеи, јас мислев дека таа има поблизок однос со нив“ – изјави дадилката.

Тоа било забележително и кога семејството одело на одмор во Бечиќи во Црна Гора, каде тие вообичаено го поминувале летото.

Наместо да бидат сместени заедно со децата, Харис и Мелина се сместиле во друг дел од хотелот, а Џина и Кан останале со дадилката.

„Постојано бев со нив во собата, ги будев за појадок, ги носев на плажа, излегував со нив навечер, одев со Кан во теретана, морав да водам, сметка каде оди Џина кога излегуваше со другарките.

Со Мелина се сретнуваа само накратко во хотелското лоби“ – раскажува поранешната вработена.

Taa почнала постојано да ја критикува дадилката за облеката и ѝ нудела да одат заедно во шопинг за да ѝ помогне да си купи „пристојна“ облека.

„Таа не сакаше да ја носи својата облека во перална, туку бараше од мене нејзините работи да ги перам на раце, вклучително и гаќите и долната облека и мислам дека во тие мигови почнав да размислувам за отказ.

Ми ѕвонеше за сè и сешто и тогаш сфатив дека нејзе не ѝ треба дадилка, туку личен асистент што ќе ѝ служи кога и да ѝ затреба“ – раскажува дадилката.

Пред да тргнат на патување, Мелина ѝ рекла на дадилката дека телефонот треба постојано да ѝ биде достапен и дека сметката за телефон ќе ѝ ја покрие таа.

„Кога се вративме во Белград, само ми рече: ’Каква врска имам јас со тоа?‘, па речиси една третина од платата ја потрошив на сметката за мобилен. Заради сето ова одлучив да ја прекинам соработката со нив“ – вели дадилката.

Прочитајте и Ѕирнете во гардероберот на Џина и Мелина Џиновиќ – Скапи чанти и обетки вредни 11.000 евра

Таа за крај ја сподели реченицата што еден ден ѝ ја кажала ќерката на Харис и на Мелина, додека еден ден се шегувале за симпатиите во училиште:

„И јас ќе имам ваков договорен брак: ќе се омажам за некој богаташ, а тајно ќе бидам со некој што го сакам!“ – наводно рекла Џина.

За оние што не знаат, Мелина е позната модна дизајнерка која креирала фустани за славни личности како Џенифер Лопез и Ева Лонгорија.

Набрзо откако се дозна за нејзиниот развод со Харис, таа замина да ужива во Монте Карло, заедно со нејзиниот нов дечко за кого велат дека е богат бизнисмен кој е само две години повозрасен од неа.

Децата, останаа да живеат со татко им.

Прочитајте и Од скромна девојка стана дизајнерка на славните – сопругата на Харис Џиновиќ прави креации за Џеј Ло и Лонгорија

Б. С. Б. | Црнобело