Српската пејачка Мира Шкориќ (54): „Имав рак на лимфните јазли, 4 операции и хемотерапија - ги игнорирав симптомите“

Детали

вторник, 11 февруари 2025

„Ги игнорирав симптомите, сè додека на вратот, над клучната коска, не ми излезе оток, лимфна жлезда. Потоа, ми ја соопштија суровата вистина која не сакав да ја прифатам. Вистината беше дека имам рак на лимфните жлезди со метастази“, вели српската пејачка Мира Шкориќ (54).

Српската пејачка Мира Шкориќ (54) во повеќе пригоди отворено говореше за најтешкиот период во нејзиниот живот – односно за борбата со ракот, која траела околу 15 години, во кои имала 4 операции, но од која излегла како победник во 2022 година и засега се чувствува добро.

Таа и сега понекогаш се навраќа на овој период од животот и јавно говори низ што поминала за да им помогне и на другите, односно да ги поттикне да бидат поодговорни кон своето здравје.

Нејзината исповед гласи:

„Ми се случи и болест и отсуство од естрадата и борба за живот. И тогаш сфатив дека на естрадата има многу малку добри луѓе.

Тие ми пресудија дека повеќе нема да можам да пеам, па дури и жива ме закопаа.

Инаку оперирана сум 4 пати и поминав многу терапии на онкологија. Имав и хемотерапија и мислев дека нема да се изборам, но јас сум како феникс, паѓам и одново се издигам.

Животот ме удираше и кршеше.

Инаку, им простувам на сите, па дури и на моите најголеми непријатели и никому не посакувам да му се случи тоа што ми се случи мене.

Ако се навратам на болеста, јас не препознав дека имам рак.

Дури кога дојдов до завршна фаза на болеста, забележав дека често ми се качува температурата и чувствувам чуден умор.

Но, сè изгледаше во ред според крвната слика.

Тогаш необјасниво губев килограми, но не сум личност која кука, па продолжив да живеам нормално, пеев, снимав песни, држев концерти.

Ги игнорирав симптомите, сè додека на вратот, над клучната коска, не ми излезе оток, лимфна жлезда. Е, тогаш сфатив дека е нешто сериозно.

Потоа, бев на преглед и ми ја соопштија суровата вистина која не сакав да ја прифатам.

Вистината беше дека имам рак на лимфните жлезди со метастази. Бев во шок и неверување.

Продолжува на следната страница...