Изгасени се сите канали на Бака Прасе на Јутјуб: „Забранет сум на оваа платформа до крајот на животот“

Детали

петок, 21 февруари 2025

„Не смеам да направам нов канал, не смеам да се појавам кај друг јутјубер во видео клип. Не смеам да имам никаква врска со Јутјуб и тоа засекогаш. По 9 години снимање, труд, работа, љубов, вака завршува сè...“, вели Бака Прасе.

Бака Прасе, односно Богдан Илиќ, остана без каналите на Јутјуб, каде имаше милиони следбеници и од каде што заработуваше огромни суми на пари.

Тој 9 години снимаше видеа за оваа платформа, но откако му беа изгасени каналите, најверојатно поради пријави за несоодветно однесување, тој на Инстаграм откри дека планира сосема да се повлече од оваа работа.

Вели дека не знае која е конкретната причина за гасењето на каналите, но дека од Јутјуб го известиле дека засекогаш му е забрането да се појавува на платформата.

Неговиот коментар за ситуацијата гласи:

„Единствено што ме извести Јутјуб е дека ми е забрането кога било повеќе да се појавувам на Јутјуб.

Не смеам да направам нов канал, не смеам да се појавам кај друг јутјубер во видео клип.

Не смеам да имам никаква врска со Јутјуб и тоа засекогаш.

По 9 години снимање, труд, работа, љубов, вака завршува сè...

Искрено, сега кога не снимам сфатив колку сум уморен од сè.

Имам доволно пари да не морам никогаш повторно да ја вклучам камерата.

Направив сè што можев на оваа сцена, посилно и повеќе од ова не можам.

Размислувам дали ова е знак кој ми кажува дека е време да престанам.

Ви благодарам за сè и се надевам дека ќе ме разберете ако одлучам да се повлечам“.

Продолжува на следната страница...