Куче-херој го пронајде исчезнатото девојче Дуња (2), по кое трагаше цела Србија

Детали

вторник, 04 март 2025

Потрагата по исчезнатата Дуња (2) заврши среќно, откако куче трагач ја најде измрзната, но жива. Оваа приказна го разнежни цел регион и е позитива на денот.

Вчера (03.03) цела Србија се крена на нозе, откако исчезна 2-годишната Дуња Марковиќ од Уб.

Девојчето било излезено со своите постари браќа, но тие се вратиле дома без неа, пренесоа српските медиуми.

Семејството веднаш пријавило во полиција, а бидејќи станува збор за мало дете беше вклучен и амбер алерт - систем за брзо известување на јавноста дека е исчезнато дете.

Камерите во близина на куќата го снимиле исчезнувањето на девојчето.

@vecernjenovosti8

Devojčica Dunja Marković (2) nestala je danas u Ubu. U trenutku nestanka bila je sa starijom braćom, dečaci su prvi i drugi razred. #dunjamarkovic #ub

♬ original sound - Vecernjenovosti

Во потрагата по девојчето беа вклучени полицијата, спасувачи, локалното население, а целата јавност бараше информации за неа, но на крајот малата Дуња успеа да ја пронајде куче обучено за пронаоѓање исчезнати лица - Мила.

Мила е куче спасувач на Горската служба за спасување.

Според спасувачите, тие цела ноќ го барале девојчето, и на крајот ја нашле премрзната и настината на околу еден километар од нивниот дом.

Во моментот кога завршиле со пребарување на областа и почнале да се подготвуваат да си заминат, кучето Мила го пронашло девојчето, покрај мал поток.

„Детето имаше многу смрзнатини, беше во тешка состојба, но, за среќа, стигнавме на време и се надеваме дека ќе биде добро“, изјавил припадник на Планинарската спасувачка служба.

Роднините на Дуња, по нејзиното пронаоѓање раскажале дека сите биле на погреб, бидејќи им починал 21-годишен член на семејството.

Во времето кога тие биле излезени, Дуња исчезнала.

„Јас сум ѝ прадедо на Дуња. Мајка ѝ беше со мене на погребот. Кога се вративме разбравме дека ја нема. Ни сега кога е најдена, не ни е јасно како можела да исчезне.

А таму кај што ја најдоа поминавме стопати и никој не ја виде. Детето било во маичка, измрзнала од ладно. Не смеам ни да помислам како се чувствувала, како ѝ е сега“ рекол тој.

Прочитајте и Што претставува системот за исчезнати лица „Амбер алерт“ + грозоморната приказна заради која е создаден

А. Ј. | Црнобело