110.000€ за Здравко Чолиќ - Колку ќе заработат балканските ѕвезди за дочекот на 2026 година?

Детали

четврток, 23 октомври 2025

Иако до дочекот на новата 2026-та година има повеќе од два месеца, многу балкански ѕвезди веќе ги закажаа своите настапи, а парите што ќе ги заработат таа вечер се вртоглави.

Голем дел од балканските ѕвезди од нив ќе пеат во градовите на јадранското приморје - едни на плоштад, други во познати хотели...

Според српски „Курир“, многу познати пејачи годинава ќе пеат во Будва, Тиват, Херцег Нови, Дубровник и Котор, а меѓу оние кои ќе ја забавуваат публиката таму се и Ацо Пејовиќ, Бијело Дугме, Емина Јаховиќ, Здравко Чолиќ, Сергеј Четковиќ, Реља Поповиќ и многу други.

Најголемиот хонорар од 100 илјади евра ќе го добие Чола, кој на 31-ви декември ќе пее во Дубровник во луксузниот хотелски комплекс Rixos. Таму концерт ќе има и Северина на 2 јануари 2026.

Следни на листата се Лепа Брена и Ацо Пејовиќ кои таа вечер ќе заработат по 80.000 евра. Брена ќе пее во Тиват, додека Пејовиќ се договорил за настап на плоштадот во Будва.

Во Тиват покрај Брена ќе пеат и Саша Матиќ (30.12) и Јелена Розга (01.01), а нивниот хонорар ќе се движи меѓу 30 и 40 илјади евра.

Во Херцег Нови ќе пеат Неда Украден, Весна Змијанац и Жељко Самарџиќ, но нивните хонорари не се познати.

Цеца Ражнатовиќ останува во Србија, со концерт во хотел на Златибор, но и нејзиниот хонорар се крие.

А. Ј. | Црнобело