Падна дел од таванот во „Космос“ во Солун - повредена е жена и пренесена во болница (видео)

Детали

недела, 11 јануари 2026

Во молот кој постојано го посетуваат многу Македонци падна дел од таван, а на видеото направено само неколку моменти по неговото рушење се гледа паднатата конструкција и група луѓе клекнати на земја кои ѝ помагаат на повредената жена. 

Во трговскиот центар „Космос“ во Солун вчера се урна дел од таванот на првиот кат, во просторот каде што се лоцирани ресторани и објекти за брза храна.

Инцидентот се случил во време кога во молот имало голем број луѓе.

Во несреќата е повредена 45-годишна жена, која се здобила со повреди на главата и вратот.

Според грчките медиуми, таа била свесна и со брза помош била пренесена во болницата Папаниколау.

На видеото направено само неколку моменти по рушењето на таванот се гледа паднатата конструкција, луѓе кои забрзано пробуваат да се тргнат оттаму, но и група луѓе клекнати на земја кои ѝ помагаат на повредената жена.

Погледнете го видеото:

А. Ј. | Црнобело