Едита раскина со мажот со кого чека дете - Бил мета на убиство, по грешка му ја убиле тогашната девојка

Детали

вторник, 03 февруари 2026

Само неколку недели откако Едита Арадиновиќ објави дека е бремена и чека дете со Ненад Стевиќ, парот веќе не е заедно. Кој е поранешниот партнер на пејачката, кој има сомнително минато и го поврзуваат со српското подземје?

Пејачката Едита Арадиновиќ, која неодамна откри дека е бремена со своето прво дете, веќе не е во врска со таткото на бебето, и нејзин долгогодишен партнер, Ненад Стевиќ.

Според српските медиуми, парот решил да се раздели мирно, без кавги и драми, бидејќи им се разидуваат животните патишта, но сепак ќе останат во пријателски односи поради детето кое ќе се роди за неколку месеци.

Едита и Ненад, наводно, подолго време размислувале да стават крај на врската. Одлуката не била импулсивна, но сепак е изненадување, зашто доаѓа само неколку недели откако се дозна дека чекаат бебе.

Тие во декември 2025 уште еднаш ја изненадија јавноста кога се појавија заедно на концертот на Саша Ковачевиќ во Сава Центар, што беше нивно прво заедничко појавување.

Претходно, врската ја чуваа приватна, со исклучок на неколку фотографии кои Едита ги сподели на Инстаграм Стори.

Уште тогаш јавноста сакаше да дознае повеќе за Ненад, кој делуваше како да се крие од медиумите.

Што знаеме за поранешниот партнер на Едита?

Ненад бил цел на обид за атентат во Нови Сад, но наместо него била убиена неговата тогашна девојка, Теодора Каќански.

Трагедијата се случила кон крајот на 2016 година, а првите резултати од истрагата покажале дека Теодора, која била фитнес инструкторка, е убиена по грешка и дека вистинската цел бил Ненад.

Таа е застрелана во џипот на Ненад, а убиецот најверојатно од затемнетите стакла на автомобилот не видела дека на возачкото седиште не е Ненад, туку жена.

Убиецот, истрчал од грмушките во близина, во кои се криел и испукал 5 куршуми кон девојката, па избегал од местото на настанот.

Една година подоцна, во 2017-та, Ненад бил уапсен под сомнение дека се обидел да го киднапира Горан Цвијетиќ, мажот осомничен за убиството на Теодора. Му бил одреден притвор до 30 дена, а според српските медиуми, оваа постапката е сè уште во тек.

Неофицијално, по убиството на Теодора, самиот Стевиќ почнал да води своја истрагата за убиството, со цел да го најде можниот нарачател.

Освен ова, Стевиќ зад себе има преку 10 кривични пријави за различни кривични дела, а полицијата го поврзува и со еден од новосадските криминални кланови.

А. Ј. | Црнобело