Еди од Хрватска за животот со ХИВ: „Станав коска и кожа, се отвораа рани, имав СИДА, но решив да се лекувам“

Детали

недела, 29 март 2026

„Не влегов во тој однос без заштита, тоа можам да го кажам, но, се случи“, вели Еди Кисељак, поранешен новинар од Хрватска, кој тврди дека бил намерно заразен со ХИВ и дека лицето потоа исчезнало. Еди се разочарал и не се лекувал 2 години и дошол до степен на СИДА, но потоа со лекови за 4 месеци го вратил телото во форма. Тој денес има сопруг од Норвешка и ги открива деталите за својот живот со ХИВ.

Еди Кисељак е поранешен новинар од Хрватска и човек кој живее со ХИВ вирусот и отворено зборува за тоа.

Тој пораснал во Хрватска, а денес живее во Норвешка со својот сопруг Арилд Јенсен, но често престојува во Хрватска.

Еди има и две сестри и пет внуци, бил навистина близок со својата мајка, но таа починала во 2018-та година.

Еди неодамна гостуваше во емисијата „Nedjeljom u 2“, каде јавно зборуваше за својот живот со ХИВ.

Раскажа како се заразил, како ја доживеал дијагнозата и што значи да се развие СИДА, а предупреди и на стигмата со која се соочуваат заболените во семејството, на работа и дури во здравствениот систем.

Своето искуство Кисељак го преточил и во книгата „Ja sam Edi“, за која вели дека ја напишал затоа што чувствувал дека таа приказна треба да се раскаже.

„Не сакав таа приказна да остане нераскажана. Мислам дека заслужува да живее и мило ми е што го завршив тој процес на пишување.

Книгата е објавена и во претпродажба, па се радувам на сè што доаѓа“, вели тој.

За својата дијагноза вели:

„Со дијагнозата се соочив сам и тоа беше најтешко. Не ја споделив со никого, ја чував длабоко во себе, стана мојата најголема тајна.

Во тој момент не гледав излез. Најцрни мисли ми минуваа низ глава, се чувствував заробено и без надеж.

Тоа беше период кога верував дека мојот живот се распаѓа и дека нема светлина пред мене...“

Во книгата за првпат проговорил и за сексуалната злоупотреба што ја доживеал како десетгодишно момче.

„Никој не го знае тоа. Ова е првпат да зборувам за тоа“, изјави тој, додавајќи дека злоупотребувачот бил човек од соседството кој со недели градел доверба со него.

„Сè почна со некакво поздравување на улица, а заврши со тоа што влегов во неговата куќа...

Мислам дека е важно да се зборува за тоа.

Родителите не го слушаат детето, не гледаат дека нешто не е во ред. Мојата порака е: слушајте го детето и верувајте му, затоа што многу работи може да се кријат зад тоа“.

Продолжува на следната страница...