Здравко Чолиќ ја виде својата прва девојка во публика на концерт, слезе да ја гушне: „Старата љубов не се заборава“

Детали

среда, 08 април 2026

Чола, во манир на вистински џентлмен, слегува меѓу публиката и со широко раширени раце оди кон Јасна. Тие се прегрнуваат, како блиски пријатели, како луѓе кои некогаш си биле сè еден на друг, а Здравко ѝ ја бакнува раката и продолжува да пее.

Здравко Чолиќ е легенда на овие простори, пејач кој веќе неколку децении е во среќен брак со Александра со која има две ќерки.

Но, долго пред да стане толку популарен и да се ожени, тој беше во врска со актерката Јасна Орнела Бери, на која ѝ ја посвети песната Noć mi te duguje.

Јасна беше на еден од неговите концерти во родното Сараево, кои Чола ги одржува деновиве.

Салата секоја вечер е преполна, распродадена, а концертите се кој од кој поубав, пишуваат босанските медиуми.

Но, најемотивниот момент се случи на петтиот концерт, а на кој беше токму Јасна.

Чола, во манир на вистински џентлмен, но придружуван од обезбедувањето, слегува меѓу публиката и со широко раширени раце оди кон Јасна.

Тие се прегрнуваат, како блиски пријатели, како луѓе кои некогаш си биле сè еден на друг, а Здравко ѝ ја бакнува раката и продолжува да пее.

„Старата љубов не се заборава. Повторна средба на Здравко и Јасна на концертот исполнет со емоции и љубов“, пишува босанскиот Најпортал на видеото што го објави на Инстаграм.

Кликнете и погледнете го видеото од емотивната средба:

А. Ј. | Црнобело