Николина Пишек со ќерката пронајдени во несвесна состојба во домот: „Се отрувме од плин“
- Детали
- понеделник, 08 февруари 2021
Хрватската водителка Николина Пишек и нејзината ќерка Уна биле пронајдени во несвесна состојба во нивниот дом, откако вдишале преголема количина на јаглерод моноксид, веројатно заради лоша плинска инсталација, но за среќа сега се добро по кратката хоспитализација.
Според српските и хрватските медиуми, водителката Николина Пишек се соочила со животно-загрозувачка ситуација за време на викендот во нејзиниот дом во Загреб.
Наводно, во домот каде Пишек (42) живее заедно со нејзиниот сопруг Видое Ристовиќ (42) и ќерката Уна, пукнала цевка која обезбедува греење во зградата, а таа и ќерката се отруле од јаглерод моноксид.
Извор близок до Blic.rs изјавил:
„Сѐ се случи ноќта помеѓу саботата и неделата. Николина околу 20 часот се слушна со Видое, кој заради работни обврски дојде во Белград, а таа му рече дека се вратиле дома и заедно со ќерката ќе гледаат филм и ќе одмараат.
Потоа Николина му се јави на сопругот околу 1 часот ноќта и му кажа дека нивната ќерка Уна повраќа и има силна главоболка. Тогаш кажа дека и таа не се чувствува најдобро. Видое ги посоветува да одат веднаш кај доктор, со што Николина се согласи.
Кратко потоа сопругот повторно ја бараше, но Николина не се јавуваше. Видое веднаш се јави кај пријатели кои отидоа до нивниот дом да видат што се случува со Николина и Уна. Но, никој не отворал врата. Тие ја скршиле вратата и ја виделе Николина во несвесна состојба на подот, а ќерката на кревет.
Веднаш викнале полиција и брза помош и се установило дека цевка која пукнала предизвикала труење со гас. Тие беа пренесени во болница. Пожарникарите измериле дека во куќата во тој момент имало 7 пати повеќе од дозволената доза на плин.“
За хрватскиот медиум 24sata, Николина дала кратка изјава по излегувањето од болница:
„Сега нѐ пуштија од болница. Се отрувме со јаглерод моноксид. Добри сме. Крим полицијата е на увид. Не можам да тврдам кој е виновен, но можам да претпоставам. Се работи за плински инсталации кои беа сервисирани три дена пред инцидентот, поточно во средата“.
Потсетете се и на: Како изгледа денес Николина Пишек (43) - една од најзгодните водителки на Балканот? (фото)
М. М. | Црнобело / фото: Инстаграм
Би можело да ве интересира:
Препорачуваме
Најчитани неделава
