Јелена Карлеуша: „Имав 3 царски реза, родив две деца, оперирав слепо црево – како имам така тенок струк?“

Детали

четврток, 20 мај 2021

„Многумина со години ме прашуваат како имам така рамен и затегнат стомак, изразени стомачни мускули и мал обем на струкот...“, раскажува Јелена Карлеуша, која додава дека мрази да вежба.

Јелена Карлеуша е една од најатрактивните пејачки во регионот. Со телесната форма како песочен часовник и впечатливите модни комбинации, таа привлече повеќе од 2.4 милиони следбеници на Инстаграм.

Но, која е тајната на нејзиниот тенок струк, кога и самата знае да каже дека не е љубител на вежбањето?

„Многумина со години ме прашуваат како имам така рамен и затегнат стомак, изразени стомачни мускули и мал обем на струкот. Тајната е во корсетите кои ги носам секој ден, некогаш дури и навечер, често под облеката...

Со редовно носење и ‘тренирање’ на вашиот струк со корсет, топите масни наслаги и драстично го намалувате обемот на струкот, ги затегнувате опуштените мускули, го намалувате чувството на глад, го поправате држењето на кичмата.

Имав 3 царски реза (да 3), родив две деца, оперирав слепо црево (предниот ѕид на стомакот ми е многу ослабен), не вежбам и овој корсет многу ми помага.

Но, мора да напоменам и дека многу здраво се хранам, вегетаријанец сум, не јадам благи работи и со помош на мојот личен нутриционист го држам телото под ‘контрола’.

Ве молам хранете се здраво. Негувајте го своето тело и здравје. Сѐ почнува од тоа што го внесуваме во себе и од состојбата на нашиот ум“, вели Карлеуша во објава на нејзиниот Инстаграм профил...

Сепак, мора да напоменеме дека добрата исхрана, редовното вежбање и физичката активност се клучни за вашето здравје, но носење корсет на своја рака за вакви цели не препорачуваме и пред сѐ мора да се консултирате со доктор.

Носењето корсет, покрај ефектот на „слабеење“, може да има многу несакани ефекти, па не е препорачиво да се впуштате во ризик без да бидете свесни за последиците и претходно да се консултирате со стручно лице. 

Како Јелена го ‘тренира’ струкот:

Повеќе фотки од неа:

С. С. | Црнобело