Српска инфлуенсерка: „Пласирам живот што не е реален, за мојот роденден лажев дека сум среќна“

Детали

сабота, 10 јули 2021

Српската инфлуенсерка Теодора Поповиќ на ТикТок ја следат повеќе 227.000 луѓе. Таа објавува видеа и голем дел од нејзините следбеници сметаат дека тие го отсликуваат нејзиниот совршен живот. 

Теодора во видеото што го објави вели дека иако нејзините видеа можеби ве наведуваат да помислите така, но дека нејзиниот живот е далеку од совршен.

Како што вели, се обидела видеото да го направи порано, но била мошне погодена откако претходно добила коментар од девојка што ја следи подолго време и ѝ рекла дека се чувствува несигурно кога ги гледа нејзините фотографии. Дека девојката станува несигурна кога ќе види колку е таа убава и колку нејзиниот живот е совршен.

„Ми кажа колку ѝ е тешко затоа што ги споредува мојот и нејзиниот живот, затоа што смета дека јас имам совршен живот и дека се чувствува несигурна поради тоа. Ние инфлуенсерите ви пласираме нешто нереално. Се почувствував лошо.

За мојот роденден објавував фотографии дека сум среќна и весела. Роденденот го поминав речиси сосема сама затоа што немав кого да поканам. И мене ме отфрлаат во друштво. Сега неколку инфлуенсери одбиваат да се запознаат со мене затоа што „не сум доволно позната“ и сум нерелевантна.

И јас сум излажана, и мене ме игнорирале некои момчиња и мене ми се случуваат сите нормални работи. Сега имам посебен филтер затоа што имам проблем со акни. Пласирам живот што не е реален. Верувајте ми, вашите идоли, воопшто немаат таков живот како што сметате дека имаат. Сите имаме исти проблеми“ – порача таа.

Во продолжение погледнете го нејзиното искрено видео на ТикТок:

@wolfdoraa

ig/t.popovska ? ##foryou ##fyp ##viral ##trend ##talikusa

♬ Get You The Moon - Timmies

Б. С. Б. | Црнобело