Љубов каква што веќе не постои, сплотени 45 години – Факти за бракот на Милена Дравиќ и Драган Николиќ
- Детали
- сабота, 09 октомври 2021
Таа беше вонсериски талент, убавица, вистинска дама обожавана од сите генерации. Почина на 78-годишна возраст по долго и тешко боледување. Со актерот Драган Николиќ имаа неверојатна љубовна приказна, иако никогаш немаа деца.
Милена Дравиќ е една од најпознатите глумици без кои не може да се замисли српската кинематографија. Првата филмска улога ја добила во 1959 година, остварила низа улоги кои ѝ донеле легендарен статус, огромна популарност и бројни награди.
Но, една од работите што го одбележа нејзиниот живот е големата љубов со актерот Драган Николиќ кој почина во 2016 година. По трагичниот настан Дравиќ се разболела и почина само 2 години по својот сопруг, односно во 2018 година.
Љубовта која траеше речиси 45 години, од нивното стапување во брак во 1971 година до 2016 претставуваше симбол на сплотеност, верност и истрајност каква што ретко може да се пронајде во денешно време, особено во светот на славните.
Парот се запознал за време на снимањето на филмот „Horoskop“ во 1969 година.
Се венчале 2 години подоцна, додека го снимале филмот „Kako su se volele dve budale“. Побарале дополнителен час помеѓу снимањата и склучиле брак во општината, а потоа се вратиле на работа и продолжиле со снимањето.
Парот немал никаква фотографија од венчавката, која според нив била симболична. Кума на венчавката им била актерката Јелисавета Сека Саблиќ која му била блиска пријателка на Николиќ, а потоа станала пријателка и со Милена Дравиќ.
Во еден момент, пред да купат нов автомобил, на ТВ одел прилог за детенце на коешто му била потребна итна операција на очите. Двајцата биле согласни дека не им треба нов автомобил, па за кратко време се појавиле кај семејството и ги донирале парите наменети за купување автомобил.
Во ретките пригоди кога зборувале еден за друг, актерите истакнувале дека брачниот другар им е најголема поддршка, но и најстрог критичар.
За бракот кој траел повеќе децении, можеле да се најдат повеќе причини да се прекине, отколку да опстане. Но, според Николиќ, најлесно е нешто да се пресече и заврши, а многу е тешко да се бориш за да го зачуваш бракот.
Понекогаш и малата караница може да го освежи денот, а понекогаш е потребно и да си љубоморен, бидејќи и тоа е еден од показателите за љубов, ќе изјави актерот во една пригода.
Парот никогаш немал деца, но нивната љубов сепак опстојала. Актерката изјавила дека сета љубов ѝ ја подариле на нејзината внука Ива, која станала целиот нивен свет и го надоместила отсуството на нивните биолошки деца.
(О)Милена | Црнобело
Би можело да ве интересира:
Препорачуваме
Најчитани неделава
