Јавно кажува дека Брена не ѝ е свекрва, се срамела да снима љубовни сцени – Факти за Александра Пријовиќ, снаата на Боба Живојиновиќ

Во 2016-та година почнаа првите шпекулации дека таа е во врска со најмладиот син на Лепа Брена, Виктор Живојиновиќ, а потоа се покажа дека таа е со неговиот полубрат Филип, а се запознале на забавата организирана од Виктор.

Филип Живојиновиќ е син на сопругот на Лепа Брена, Боба Живојиновиќ од првиот брак со Зорица Десница. Тој е роден во 1985-та година и е 10 години повозрасен од Александра Пријовиќ. Сепак, по разводот на неговите родители останал да живее со Боба и со Брена и пораснал заедно со неговите полубраќа Стефан и Виктор.

Набрзо почнаа да кружат гласини дека Александра е бремена, а во медиумите по овие вести почнаа шпекулации дека наводно Лепа Брена се противи на врската и дека тие двајца раскинале. Сите овие информации веднаш беа демантирани.

Александра и Филип во 2016-та година почнале да живеат заедно, набрзо се свршиja, а во 2018-та година следуваше и свадбата.

На меден месец отпатуваа во семејната куќа во Монте Карло, а потоа беа на крстарење на Јадранското Море заедно со Брена и Боба Живојиновиќ. По ова одморот го завршиja на Јамајка.

По ова следеа вестите дека Александра е бремена, а во март 2019-та година го добија синот Александар.

За односот на Брена и Александра Пријовиќ честопати се шпекулира во медиумите, а во една прилика младата пејачка потенцира:

„На моите колешки многу поголем проблем им е мојот брак, отколку мојата кариера. Мислам дека сите успеси би можеле да ми ги простат и да поминат преку нив, но не можат да ми простат што се омажив за него.

Некогаш излегува дека без Филип и без Брена немаше да успеам. Мене Брена не ми е свекрва, мене свекрва ми е мајката на Филип, Зорица“.

Во сличен правец одат и изјавите на Лепа Брена која во една прилика рече дека не му е баба на малиот Александар, туку е сопруга на неговиот дедо. За Александра вели дека е фантастична мајка која веднаш станалa по царскиот рез, не е размазена и мошне е посветена на бебето.

Б. С. Б. | Црнобело