Лепа Брена (61) ги откри тајните на добриот изглед: „Не јадам торти и сè готвам на пареа“

Детали

понеделник, 06 јуни 2022

Познато е дека Лепа Брена (61) и во седмата деценија има витка линија на која ѝ завидуваат многу помлади дами, а таа ги откри тајните на својот „вечен младешки изглед“. 

Пејачката тврди дека својот убав изглед ѝ го должи на физичката активност и здравата исхрана.

„Без тренинг и здрав начин на живот не можеш да имаш витка линија. Пијам многу вода секој ден, медитирам и вежбам. Ако јас можам да бидам активна на 61 година, тогаш може секој. Кога патувам, се трудам да одам на плажа или базен и да пливам. Најважно е човек да не го запоставува телото, треба да го движиме секој ден“, вели пејачката и додава дека внимава и на гласот...

„Ние пејачите мора да внимаваме на гласот и да го негуваме. Не пушам затоа што тоа ги уништува гласните жици. Понекогаш сакам да наздравувам со пријателите со чаша вино, и тоа е сè“. Таа тврди дека го натерала и нејзиниот сопруг да го промени начинот на исхрана.

„Нездравата храна за мене е минато. Масните производи не доаѓаат предвид! Не јадам торти или колачиња и се чувствувам многу подобро. Сè што подготвувам го готвам на пареа или во вода, без капка масло. Успеав да го натерам и Бобо да јаде здрава храна.

Сега и нему му се допаѓа. Тој успеа да ослабе, а јас ослабев три килограми, но поради мојата висина многумина мислат дека ослабев најмалку десет килограми“, изјави пејачката.

Во последните неколку дена низ медиумите се шпекулира дека Александра Пријовиќ е бремена и дека таа и Филип Живојиновиќ чекаат уште едно дете, а Брена вели:

„Мислам дека нема да одговорам на ова прашање. Ако сакате да знаете, прашајте ја Александра“.

Многу пејачи велат дека им е доста со години да ги пеjат истите песни, но Брена вели дека тоа не е случајот со неа.

„Не ми е досадно. „Чачак“ ја снимив во 1982 година и дури и сега, со радост ја пејам затоа што ја следам емоцијата на мојата публика и она што таа со нетрпение го очекува.

Ако мојата публика е среќна кога ја пејам таа песна, ќе ја испеам 100 пати. Чачак ја пејам 40 години и уште не ми е досадна и мислам дека никогаш нема да ми биде здодее“, истакна пејачката.

Како изгледа Брена на прагот од седмата деценија од животот?

(О)Милена | Црнобело