„Денес повеќе личиш на старлета, отколку на кошаркарка“ - Фотки на Милица Дабовиќ од младоста ја распламтија јавноста

Детали

сабота, 18 јуни 2022

Поранешната кошаркарка Милица Дабовиќ до неодамна престојуваше во Доминиканската Република каде учествуваше во шоу програмата Survivor и го освои второто место.

Нејзината подготвеност и способност во дуелите, како и интригантниот однос со другите членови на тимот, ја направија една од најинтересните натпреварувачки на овоа возбудливо шоу.

По завршувањето на Survivor низ социјалните мрежи почна да кружи фотографија на која Милица Дабовиќ има кафена коса и изгледа сосема поинаку од денес, па од таа причина многумина на „прв поглед“ не ја препознаа.

Oваа фотографија предизвика лавина од коментари, па додека едни го пофалија изгледот на познатата кошаркарка и учесничка во реалното шоу, други сметаат дека таа претерала со пластиката. 

„Изгледаш како старлета, а не како кошаркарка. Личиш на Круела“ - се само некои од негативните коментари, кои со сигурност не премногу ја допираат познатата кошаркарка.

Милица повеќепати признала дека променила сè што не ѝ се допаѓало кај себе, а од друга страна некои од интервенциите морала да ги направи поради кариерата.

„Како млада секогаш ги 'прчев' усните на слики, бидејќи сакав да имам поголеми усни. Во текот на кариерата ми ги скршија забите и аркадата и имав многу удари во носот.

Поради еден од тие удари, со лактот, морав да си ги средам забите. Имав 17 години и се сеќавам дека дури и голтнав заби“ - раскажува Милица.

„Најважно ми е да си го негувам лицето и одам на редовни масажи и третмани за лице. Обожавам и мезотерапија, а ботокс имам само на челото. Не сакам естетска хирургија, бидејќи денес сите жени изгледаат исто.

Кога ги гледам тие големи усни и гради, едноставно не можам да го прифатам тоа. Сè на телото треба да биде пропорционално и да се знае каде е границата.

Мислам дека не се свесни дека се изобличени и дека сето тоа не изгледа убаво. Не е привлечно ниту за мажите“.

„Мислам дека многу ми замеруваат затоа што сум мајка, а се сликам во костим за капење, а знам и како да го направам тоа. Никогаш нема да ми биде јасно, но ме обвинуваат за сè што правам.

Нашите луѓе секогаш имаат нешто лошо да кажат. Најлошо ми е кога ми пишуваат како не се срамам од тие слики поради моето дете. Зарем не е подобро да се напише 'браво' – коментира таа, и додава дека не би се оценила со оценка десет, туку сто.

„Сè во животот постигнав со работа. И во спортот, но и кога е во прашање физичкиот изглед. Ако правите 500 стомачни секој ден како јас, и вие ќе имате затегнат стомак.

Никој не може да ми каже дека нема ниту еден час дневно за себе - изјавува Милица.

Мила М. | Црнобело