Скандал и конфликт со Милица Павловиќ, познат криминалец ѝ ја финансирал кариерата – Факти за Ана Николиќ

Нејзиниот спот за дуетот со Николија Јовановиќ, Milion dolara објавен во 2013-та година беше забранет за малолетници на YouTube затоа што е премногу провокативен.

Како со песните, Aна подеднакво привлекуваше внимание и со својот приватен живот. Таа призна дека на почетокот на кариерата била во врска со Радољуб Радуловиќ (Миша Банана) за кого рече дека бил љубов на нејзиниот живот.

Радољуб во 2011-та година беше осуден на затворска казна од 10 години во Белград заради шверц на кокаин од Јужна Америка во Европа и оттогаш не е достапен за јавноста. Ана во една прилика призна дека токму тој ѝ помогнал да ја почне кариерата така што ѝ позјамил 100.000 евра за да го сними првиот албум.

Во 2013-та година Ана ги полнеше таблоидите заради тепачката со Црногорката Манда Поповиќ. Ана беше нападната од Манда, откако претходно во медиумите се појавија СМС пораки што наводно српската пејачка ги разменувала со Ќазим Османи (дечкото на Манда).

Ана откри дека наводно Манда влегла во нејзината хотелска соба и барала да знае која девојка се „смувала“ со нејзиното момче претходната вечер. По нападот Ана се здобила со лесни повреди, а веднаш интервенирала и брза помош.

Во 2016-та година Ана тајно се венча со Стефан Ѓуриќ Раста со кого ја доби и ќерката Тара. Таа самата говореше за сопствените љубоморни напади и затоа како со клуч му го гребела автомобилот, а парот се разведе во 2017-та година.

По бременоста Ана долго време се бореше со вишокот килограми, а подолго време се повлече од јавноста со цел да го поправи својот изглед.

Б. С. Б. | Црнобело