Новак и Јелена Ѓоковиќ како Барби и Кен – Твитерџиите поделени за изгледот на сопругата на најдобриот светски тенисер (фото)

Детали

вторник, 12 јули 2022

„Има милијарди на сметката, а се облекла како клошар“, „Излегува пред милиони луѓе, а не била на фризер“, „Како да оди на плажа, а не на Вимблдон“ – ова се само дел од негативните коментари упатени на сметка на Јелена Ѓоковиќ која го бодреше својот сопруг на трибините на Вимблдон.

Новак Ѓоковиќ по седми пат победи на Вимблдон на денот од неговата годишнина од брак, а деновиве на социјалните мрежи топ тема е изгледот на неговата сопруга Јелена Ѓоковиќ која го бодреше од трибините.

Розовиот фустан со пуфнасти ракави, големата шапка и природниот изглед на косата на многумина им беа симпатични, а за други, Јелена не се потрудила доволно за да изгледа соодветно на настанот што го следат милиони луѓе.

Твитерџиите имаат поделени коментари за розовиот фустан што Јелена го носеше на себеси, а многумина ѝ замеруваат и на фризурата.

Јелена на трибините носеше фустан од Cecilie Bahnsen кој чини околу 950 евра, но за многумина на Твитер сопругата на познатиот тенисер направила модно промашување.

Дополнително, масовно кружи фотомонтажа во која Јелена и Новак се прикажани како Барби и Кен.

„Наликува како да оди на плажа, или како да е на плажа, а не на Вимблдон“.

„Не знам зошто со фустанот истакнува дека градите ѝ се со број нула? И зошто како јавна личност што треба да има култура, излегува пред милиони луѓе, а не била на фризер. Тој стил на фризура не оди ниту со Chanel чанта од неколку илјади евра“.

„Жената има милијарди долари на сметката, а изгледа како клошар, стварно глупо“.

Ова се само дел од негативните коментари на Твитер, што заедно со фотомонтажата на која Јелена и Ноле се претставени како Барби и Кен го окупираа Твитер.

Сепак има и такви што ја бранат сопругата на познатиот тенисер и сметаат дека таа е природна убавица, а дека е нејзино право да одлучи колку пари ќе потроши на сопствениот изглед.

Што мислите вие? 

Погледнете повеќе фотографии во продолжение:

Б. С. Б. | Црнобело