Бекамови одмораат во Хрватска – Која е австриската грофица на која ѝ бил подарен луксузниот ресорт на островот Лопуд?
- Детали
- петок, 15 јули 2022
Некогаш бил напуштен и руиниран манастир, а денес е луксузен ресорт каде едно ноќевање чини 1.400 долари. Како австриската грофица ја доби концесијата над манастирот како подарок и денес од него претвори луксузно место каде одмораат славни семејства како Бекамови?
Луксузниот ресорт на островот Лопуд каде престојуваат Бекамови, некогаш бил манастир, а денес е прибежиште за славните и богатите кои сакаат да одморат подалеку од будните очи на фотографите. Но, која е жената што го претворила руинираниот манастир во луксузен хотел?
По посетата на Париз и Венеција, Дејвид и Викторија Бекам деновиве се во Хрватска каде уживаат во одморот на луксузното одморалиште сместено на островот Лопуд, а кое е во сопственост на грофицата Франческа фон Хабсбург.
Островот Лопуд е сместен во Јадранското Море и е на оддалеченост од 9km од Дубровник, а до него може да се стигне со помош на траект или приватно бродче.
Славниот пар деновиве во Хрватска го прослави 11-иот роденден на ќерката Харпер, а засега се обидуваат максимално да ја сочуваат својата приватност и да ги избегнат папараци фотографите.
Според информациите достапни во хрватските медиуми цената во овој ресорт е 1.400 американски долари по вечер, а наемот за 10 лица чини 10.000 долари по вечер, што значи дека Бекамови за овој одмор во Хрватска ќе одвојат мало богатство.
Но, која е жената што го управува овој луксузен ресорт и како тој дошол во нејзина сопственост?
Франческа вон Хабсбург е австриска актерка и продуцентка, која во периодот од 1993-та година со 2003-та година била во брак со внукот на последниот австриски цар Карл фон Хабсбург.
Франческа и Карл заедно имаат 3 деца, синот Фердинанд, кој е познат возач во Формула 1, и ќерките Елеонора и Глорија.
Семејството често летувало во Хрватска, а во 1997-ма година Франческа ја добила концесијата над манастирот на хрватскиот остров Лопуд во благодарност за нејзината дејност во обновувањето на дубровачкото културно наследство што била уништена за време на хрватската војна за независност во 90-тите години.
Продолжува на следната страна...
Би можело да ве интересира:
Препорачуваме
Најчитани неделава
