Направи операција за да си го смени гласот, сестра ѝ јавно се откажа од неа - Факти за српската пејачка Едита Арадановиќ

Едита е сестра на познатата српска фолк пејачка Инди Арадановиќ, а се шпекулира дека тие двете биле скарани, па дури и се степале заради дечко. Наводно, во 2011-та година Едита почнала врска со извесен Вељко, кој бил поранешен дечко на Инди, а заради тепачката морала да интервенира и полицијата.

Во една прилика Едита рече дека таа и Инди имале мошне тешко детство, а дека во песната Soba опишала низ што поминувале таа и сестра ѝ по разводот на нејзините родители.

„Малкумина знаат дека Инди и јас имавме тешко детство и дека носиме лузни. Во песната се работи за моето дестство и за ликот на мојот татко“ – рече таа.

Седум години подоцна, Инди јавно се откажа од Едита, а пораката што таа ја остави на социјалните мрежи беше пренесена во медиумите. Постарата сестра, тогаш рече дека Едита ја блокирала на Инстаграм и дека сите пораки за поддршка од нејзина страна се лажни.

Во 2020-та година пак, кога Инди имаше неуспешна операција на желудникот, Едита веднаш се обрати до медиумите и на социјалните медиуми раскажа низ што сè поминала нејзината сестра. Таа рече, дека заедно со мајка ѝ поминуваат низ стресна ситуација и планираат да го тужат лекарот што ја направил операцијата.

Инаку познато е дека Едита направила повеќе хируршки интервенции за да ги промени работите што не ѝ се допаѓаат кај себеси. Го отстрани младежот на лицето по кој беше препознатлива, вгради силикони на градите, а годинава ги оперираше и гласните жици, затоа што не ѝ се допаѓало како звучи кога пее во живо.

Веднаш по операцијата, следеше нов скандал, кога српските медиуми почнаа да пишуваат дека Едита е бремена, а сестра ѝ Инди само дополнително ги подгреа гласините и рече дека не смее ништо да каже.

Б. С. Б. | Црнобело