На Северина ѝ тргна во животот - го покажа лицето на синот, објави нова хит песна со наслов „Пумпај, Севе брате“

Детали

петок, 08 август 2025

„Зошто мене ми е забрането да се гордеам со мојот син? Таткото се обиде на сите начини да ме спречи да бидам мајка, па и со забрана за фотографии“, се пожали во една пригода Севе, а летово собра храброст ѝ објави фотографија со него, а сега има и нов хит во кој пее за сите недораснати мажи и ја нагласува силата на жените.

Северина Вучковиќ, во јули по пауза од неколку години, објави фотографија на социјалните мрежи на која се гледа лицето на нејзиниот син Александар.

Тие двајца позираа насмеани, а таа во описот напиша: „Мојот убав ангел“.

Следеа бројни коментари од следбениците на Севе:

„Конечно мајката може да објави слика со својот син без да му го прекрива лицето. Голем си, Господе! Нема посилна сила од мајчината љубов“.

„Убав, паметен и љубезен на мајка си“.

„Тоа, Севе! Храбро напред“.

Како што е познато, поранешниот сопруг на Северина, Милан Поповиќ, претходно издејствува судска забрана таа да не објавува фотографии од лицето на Александар на социјалните мрежи.

Досега таа се придржуваше до забраната и објавуваше фотографии на кои лицето на детето беше „заматено“ или Александар беше сликан од грб.

Северина за ова се пожали во една пригода:

„Зошто мене ми е забрането да се гордеам со мојот син? Таткото се обиде на сите начини да ме спречи да бидам мајка, па и со забрана за фотографии“.

Сега, покрај средувањето на ситуацијата на приватен план, Северина реди успеси и на професионален план.

Таа објави нова песна со заразен ритам во нејзин стил, а новиот сингл има специфичен наслов „Пумпај, Севе брате“.

Песната сака да им ја нагласи силата на жените, нагласувајќи ги машките слабости.

Северина испраќа порака до сите што мислат дека жената не знае што сака – дека знае, и тоа гласно, јасно и со ритам што удира директно во срце.

Самата Северина е авторка на текстот и во него таа крева глас против пасивни, лажни и недораснати мажи, носејќи го ритамот на Балканот.

Слушнете ја новата песна на Северина:

С. С. | Црнобело