Балканска тиктокерка: „Сопругот на сестра ми ѝ ја удирал главата од плочки, го стискал и бебето“ (вознемирувачко фото)
- Детали
- четврток, 29 септември 2022
Сестрата на Uki Q, која живее во Белград, вчера (28.09) била претепана речиси до смрт од сопругот. Uki Q објави вознемирувачки фотографии и дел од објавата гласи: „Ѝ ја фатил главата и ѝ ја удирал од плочки, ја стискал за врат во обид да ја удави, а потоа ја мавал со рацете со сета сила. Го притискал бебето, старо 2 месеци...“ СТОП за семејното насилство!
Uki Q е родена во Хрватска, а живее во Белград и важи за балканска ТикТок кралица.
Нејзиното вистинско име е Уна Каблар и на Инстаграм има повеќе од 540.000 следбеници, додека на ТикТок ja следат повеќе од 1.5 милиони луѓе.
На телото има многу тетоважи, има необичен моден стил и комплетно е искрена кон своите следбеници, а токму тоа е тајната на нејзината популарност.
Но, сега нејзината искреност отиде до еден нов степен каде јавно говори за семејното насилство кое ѝ се случило на сестра ѝ од страна на партнерот.
Уна објави вознемирувачки фотографии од повредите на сестра ѝ, а во описот напиша:
„Сопругот на мојата сестра вечерва (28.09) ја претепа мојата сестра Сара, речиси до смрт.
Ѝ ја фатил главата и ѝ ја удирал од плочки, ја стискал за врат во обид да ја удави, а потоа ја мавал со рацете со сета сила.
Го притискал бебето, старо 2 месеци, со закани дека ќе ѝ го одзеде старателството ако се разведе од него.
Откако ја „унаказил“, ја доведе и побегна пред да дојдат татко му и брат му, затоа што е татин син.
Дојдоа смеејќи ни се пред полицијата, со дофрлање од страна на татко му, како е горд на својот син и како допрва ќе биде. Откако му кажавме на татко му дека сè ќе објавиме јавно, тој почна да ни се заканува со тоа како тој за тоа има лек, мислејќи дека со пари ќе реши сè.
Во најдобар случај ќе биде казнет само со забрана за пристап, а ја претепа сестра ми речиси до смрт и уште не знаеме кои се последиците од нејзините повреди.
Би ве замолила сите да ја споделите оваа објава за помош во борбата со семејното насилство, насилство врз жена и бебе од 2 месеци.
Имаме уште многу да кажеме, но сега сме во состојба на шок.“
С. С. | Црнобело
Би можело да ве интересира:
Препорачуваме
Најчитани неделава
