Огњен Амиџиќ за првпат јавно за разводот од сопругата со македонско потекло: „Тешко го прифатив, учам да се снаоѓам“

Детали

четврток, 27 октомври 2022

„Јас никогаш не сум влегол во некоја приказна заради корист, на кој било начин. Секогаш сум бил искрен. Сѐ уште се привикнувам на новиот начин на живот“ – со овие зборови Огњен Амиџиќ го коментира разводот од неговата втора сопруга со македонско потекло Данијела Димитровска.

Српскиот актер и ТВ водител Огњен Амиџиќ (47) за првпат јавно прозборе за разводот со убавата манекенка Данијела Димитровска (35).

Тие пред неколку месеци објавија дека се разведуваат, а во заедничкото соопштение рекоа дека за нивниот развод не е виновна трета личност.

Сега Огњен гостуваше во емисијата „На Терапија“ каде за првпат ја сподели својата страна, и без да навлегува во премногу детали, водителот појасни како емотивно се справува со новата етапа во неговиот живот.  

Како што рече, тој бил мошне вљубен во Данијела, но и исто така чувствувал дека бил мошне сакан.

„Сѐ што сум направил во животот што било поврзано со емоциите, секогаш било од срце. Јас никогаш не сум влегол во некоја приказна заради корист, на кој било начин. Секогаш сум бил искрен. Секогаш моите емоции биле чисти.

Така сум воспитан, тоа доаѓа од домашното воспитување.

Секоја љубов треба да биде „љубов заради љубов“. Љубов што се случува.

За моите бракови секогаш сум говорел малку. За себе секогаш можам да зборувам, а со сопругите секогаш сме се договарале за тие работи да не говориме во медиумите затоа што, секогаш, без разлика на тоа што зборува некој, може да се извлече некој наслов, да се креира некоја приказна.

Потоа настанува проблем, затоа што мојот син веќе постојано е на интернет, па потоа тој ќе го најде тоа и може да прочита нешто што нема да биде добро за него“ – вели Огњен.

Огњен открива дека според него е најважно да постигне разбирање со поранешната сопруга, да постигнат договор. Како што вели сѐ уште се приспособува на начинот на живот по разводот.

„Поминував низ фази на прифаќања, размислување, премерување, рационализација, поставување на работите. Имав доста различни фази, но тежок сум со солзите.

Имав подеми и падови во тие приказни и голем број разговори и сметам дека ова е период во којшто сѐ уште се приспособува на сѐ.

Нам најмногу ни помогна во таа приказна тоа што разговаравме и сфативме дека тоа е тоа: една етапа е готова, почнува друга етапа во која треба да се снајдеме.

Имаш прекрасно дете што треба и натаму да ја чувствува таа иста љубов“ – вели Огњен, пренесуваат српските портали.

Инаку Огњен и Данијела беа во брак 10 години и заедно го имаат синот Матеј.

Б. С. Б. | Црнобело