Весна Змијанац откри непознати детали: „Николија носи моја облека, од една песна заработив 500.000 евра“ (видео)

Детали

четврток, 22 декември 2022

Песните на Весна Змијанац се пеат со години наназад, а не крие дека хитовите како „Јорговани“ и „Невера“ ѝ донеле вистинско богатство. Таа откри и дека понекогаш нејзината ќерка Николија на настапите носи нејзина облека, но и дека сака еден ден тие две да снимат дует.

Весна Змијанац беше гостинка во Амиџи Шоу кај Огњен Амиџиќ, а откри дека во иднина сака да сними дует со нејзината ќерка Николија, но и колку пари заработила од нејзините хитови.

Весна сподели дека од некои хитови што се слушаат со децении наназад заработила и по 500.000 евра.

Песните што ѝ донеле најмногу пари се „Јорговани“ и „Невера“.  На прашањето дали би избрала добра песна или половина милион во кеш, таа рече:

„Од само еден мегахит што со години трае може да се заработат најмалку 500.000 евра. Тоа може да биде некоја сериозна песна, како што се на пример: ‘Јорговани’, која се слуша над 35 години. Иста таква е и ‘Невера’, што ја снимив пред 45 години, а сѐ уште ја пеам на настапи.

Замислете само колку пати за сите овие децении сум ја испеала таа песна за пари и колку сум заработила на неа. И во денешно време можете да ‘уловите’ еден таков хит“ – вели Весна.

Инаку фолкерката откри дека еден ден би сакала да сними дует со ќерка ѝ Николија, но дека сѐ уште не ја нашле вистинската песна што би им одговарала.

Интересен момент во емисијата беше кога беше прикажано видеото во кое се гледа дека Николија честопати на настапите сака да носи облека од нејзината мајка.

Може да се види дека Николија во две прилики носела фустан и корсет што во минатото ѝ припаѓал на нејзината мајка.

„Тоа е моја облека што јас сум ја зачувала за неа. Има некои парчиња што биле многу скапи и што таа ги носела. Има и некои други парчиња што таа ги чува за ќерка ѝ Реа“ – откри Весна.

Инаку, Весна Змијанац ја доби Николија од врската со Владо Јовановиќ, кој во минатото беше шеф на маркетинг во РТС.

https://www.facebook.com/VesnaZmijanacOfficial/photos/a.696935680340916/696947513673066/?type=3

Во една прилика Николија откри дека нејзиниот татко не се сложува со тоа што таа одлучила да ги следи стапките на нејзината мајка:

„Татко ми е ‘алергичен’ на сѐ што е поврзано со шоу-бизнисот, уште од периодот кога беше со мајка ми. Тој како доктор на науки не би ме советувал да се занимавам со пеење“ – откри Николија во една изјава.

Б. С. Б. | Црнобело