Контроверзниот бугарски пејач Азис очекува трето дете – се пофали со ехо-снимка од гинеколошки преглед

Детали

петок, 20 јануари 2023

„Татко по третпат“ – се пофали бугарскиот пејач Азис на социјалните мрежи. Тој го крие идентитетот на мајката на своето дете, но затоа сподели видео снимка од гинеколошкиот преглед.

Контроверзниот бугарски пејач Васил Тројанов Бојанов, или попознат како Азис (44), кој во минатото беше популарен по својот ексцентричен моден стил, на Инстаграм објави новитети за принова.

Азис објави видео-снимка од гинеколошки преглед, со која најави дека го проширува семејството.

На видео снимката не може да се види ликот на мајката на неговото дете, но на мониторот се гледа дека таа е во второто тримесечје од бременоста.

„Наскоро... Татко по третпат“ – напиша тој до објавата.

Инаку, минатата година, во 2022-ра година, Азис го доби своето второ дете, но досега не открил која е мајката на детето.

Се знае дека тој во периодот од 2006-та до 2008-ма година беше во брак со Николај Петров Парванов.

Во 2007-ма година, заедно со неговата долгогодишна пријателка пејачката Гала, ја доби ќерката Раја, која ја чува што е можно подалеку од очите на јавноста.

Иако македонската публика го помни бугарскиот пејач Азис по периките и шминката, тој во последните неколку години значително го промени имиџот.

Погледнете повеќе негови фотографии во продолжение:

Б. С. Б. | Црнобело