Носела пиштол за да го заштити Тито, не можела да му го прости неверството со масерката - Факти за Јованка Броз

8 интересни факти за Јованка Броз

На 17 години отишла да се бори со партизаните. Два пати е ранета во нога.

Некои тврдат дека освен што му била сопруга, таа била и телохранител на Тито. Со себе секогаш носела пиштол за да пука ако некој го нападне Маршалот.

Обожавала да чита и да плива, па често одела во некоја од вилите на Тито на море.

Му ги простила неверствата и вонбрачните деца на сопругот. Дури ни тој, наводно не знаел колку незаконски деца има. Сепак, никогаш не му ја простила аферата со масерката Даријана Грбиќ.

Препознатливата пунџа ја носела од првото до последното појавување во јавноста со сопругот. Никогаш не ја сменила фризурата, само малку стилот.

За нејзината облека се грижеле домашни и светски дизајнери. Во плакарот на Јованка имало парчиња од Dior, Chanel, Balenciaga, Balmain, но и домашните Мирјана Мариќ и Жиќи Јелек. Внимавала на протоколите, па во Јапонија никогаш не носела виолетови фустани, зашто само царицата смеела да ја носи оваа боја.

Со текот на годините стекнала репутација на странски шпион, поради што соработниците на Тито ја тргнале подалеку од него.

Закопана е со популарната песна на италијанските партизани „Bella, ciao“.

А. Ј. | Црнобело