Каков татко таков син – Слаткар објави ретка фотографија со синчето Моша

Детали

среда, 12 април 2023

„Каков татко - таков син“ - коментираат фановите на Слаткар, откако музичарот објави фотка на која тој и Моша спијат еден покрај друг со подотворена уста. Ова е една од ретките фотки кои Слаткар ги објавува од синот, кој го чува подалеку од очите на јавноста. 

Македонскиот хип-хоп музичар Марко Маринковиќ Слаткар, на Инстаграм Стори објави фотка со синот Моша, на која двајцата спијат еден покрај друг со подотвотрена уста.

Слаткар фотката ја сподели неколку дена пред роденденот на неговиот син - Моша е роден на 15 април 2020 година и наскоро ќе полни три години.

Фото: Инстаграм Стори

Ова е една од ретките фотографии на кои Слаткар го покажува лицето на својот син. 

„Наскоро...“, напиша Слаткар и со оваа фотка ги најави спотот и песната кои ги направи за својот син, а кои ќе ги промовира околу неговиот роденден.

Спотот ќе биде компилација од видеа и фотографии со Моша кои Слаткар и неговата сопруга Сања Николиќ, ги правеле во овие три години, откако се роди Моша.

Слаткар изминативе години не крие колку е среќен што има син.

Кога се роди бебето тој често објавуваше фотографии и видеа како го поминува времето со Моша, па во едно видео му пееше „Мошико, најубаво дете на цел свет“, а брзо потоа сподели и видео во кое ноџињата на својот син ги нарекува „жабји батачиња“.

Но, и покрај тоа што Слаткар и Сања се дел од јавниот живот и го привлекуваат вниманието, тие ретко објавуваат семејни фотографии на социјалните мрежи.

На фотките од Моша кои ги споделија досега, тој е свртен со главата и не му се гледа лицето.

Инаку, Слаткар во моментов е актуелен со песната „Сибир“, која ја промовираше пред еден месец.

Тој често има настапи во клубовите низ Македонија и од секој свој настап објавува видеа со дел од атмосферата и како публиката се забавува.

А. Ј. | Црнобело