Се породи Ирина Дишовска - со Павле Камилоски го добија синот Јосиф

Детали

недела, 18 јуни 2023

„Ваква љубов раѓа 3.450g и 52cm“, напиша на Инстаграм сестрата на Павле, Софка Камилоска, која објави фотка од среќните родители кои се бакнуваат преку прозорец по породувањето на Ирина.

Планинарката Ирина Дишовска и пејачот Павле Камилоски станаа родители. Ирина денес (18 јуни) го роди нивното прво дете, синот Јосиф.

„Ваква љубов раѓа 3.450g и 52cm“, напиша на Инстаграм сестрата на Павле, Софка Камилоска, која објави фотка од среќните родители кои се бакнуваат преку прозорец по породувањето на Ирина.

Ирина еден ден пред породувањето на Инстаграм Стори објави видео на кое рече дека иако до последно пешачи и спортува, бебето како да не сака да се роди.

Павле, пак, со фотографија која е направена на денот на неговата свадба, а на која е со својот татко, го прослави раѓањето на Јосиф. Пејачот напиша емотивна порака за да му се заблагодари на татка си, но и на Ирина што му роди син.

„Во име на твојата сила што нè сплотува, твојот шарм што сите нè обединува, македонското топло срце, во име на сè што сум јас и сè што ќе биде тој!

Во име на денот на таткото, нека биде наш, мој, твој. Камилоски Јосиф, добре дојде тато!

Ти благодарам хероина моја, Ирина Дишо“, напиша пејачот.

Парот претходно направи забава за откривање на полот на бебето, и заедно со своите гости дозна дека чекаат момченце. Брзо пред породувањето, открија дека на бебето ќе му го дадат името Јосиф.

Пејачот и планинарката се венчаа на 24.02.2023, а направија голема свадба со многу гости.

По свадбата Ирина за CRNOBELO.com откри дека најубав момент ѝ бил кога ги прогласиле за маж и жена пред Бога, а потоа и кога Павле ѝ отпеал неколку песни пред гостите.

Ирина, која е планинарка, не се откажа од својата страст ни во текот на бременоста. Таа скоро до пред породувањето планинареше и вежбаше активно, па објавуваше фотки и видеа на социјалните мрежи.

Прочитајте и Интензивни тренинзи, високи потпетици: Ирина Дишовска ужива во 8-иот месец од бременоста (видео)

А. Ј. | Црнобело