Каролина Гочева со мајка ѝ, Катарина Ивановска и Зоки Бејбе во впечатливи аутфити на отворањето на изложбата на Михаил Корубин

Детали

вторник, 27 јуни 2023

Македонскиот топ-модел Катарина Ивановска, шминкерот Александар Дадар, познатиот диџеј Зоки Бејбе, но и многу јавни личности, уметници, дипломати и пријатели дојдоа на отворањето на изложбата на Михаил Корубин. Зоки Бејбе имаше маичка со дело од Корубин, Каролина никогаш потренди, а Катарина никогаш посекси...

Македонскиот уметник Михаил Корубин вчеравечер (26.06) во „Чифте амам“ ја отвори својата нова самостојна изложба „Визуелна артикулација“.

Изложбата е дел од овогодинешното издание на „Скопско лето“, а ќе трае до 10 јули 2023.

Фото: Инстаграм

На отворањето му дојдоа сите – пријатели, почитувачи на неговата работа, јавни личности, уметници, дипломати.

Фото: Инстаграм

Меѓу гостите беа и моделот Катарина Ивановска, шминкерот Александар Дадар, познатиот диџеј Зоки Бејбе, пејачката Тамара Тодевска и многу други.

Фото: Инстаграм

Покрај Михаил, кој беше ѕвезда на вечерта, најголемо внимание привлече неговата сопруга Каролина Гочева.

Таа не криеше колку е горда на успехот на својот сопруг, па на Инстаграм Стори објави дел од атмосферата на отворањето, но и фотографија со својата мајка, која дојде да го поддржи Михаил.

Фото: Инстаграм

На отворањето на изложбата, Каролина дојде облечена минималистички, но со многу стил – фармерки, бела кошула, мала впечатлива чанта и розови салонки.

Подеднакво внимание со изгледот привлече и Зоки Бејбе, кој е долгогодишен пријател на парот, а кој носеше маичка на која беше испринтана едно од делата на Михаил.

Фото: Инстаграм

Михаил, пак, цела вечер се поздравуваше со гостите и одговараше на прашањата поврзани со сликите и артокените кои беа изложени во „Чифте амам“.

Погледнете дел од атмосферата на отворањето: 

Фото: Инстаграм

Фото: Инстаграм

 А. Ј. | Црнобело