Иван Јованов за CRNOBELO за врската со Ивана: „Потајно посакував да добијам ќерка, свадба ќе правиме по раѓањето на бебето“

Детали

среда, 04 октомври 2023

„Јас и Ивана сме заедно повеќе од една година. Се запознавме случајно во Охрид, од каде што е таа. Ме освои нејзината спонтаност и постојаност, многу е забавна, постојано насмеана и секогаш успева да ме смири“, вели пејачот Иван Јованов за CRNOBELO.com и ни откри детали за љубовта со саканата.

Пејачот на „Либеро бенд“ Иван Јованов неодамна откри дека наскоро ќе стане татко.

За врската со Ивана од Охрид знаеја само најблиските на парот, па веста дека е заљубен и чека бебе, ја изненади јавноста.

Музичарот и неговата сакана направија забава за откривање на полот на бебето и дознаа дека наскоро ќе добијат ќерка.

Иван не ја крие среќата, а во разговор за CRNOBELO.com раскажа детали за нивната љубовна приказна:

„Јас и Ивана сме заедно повеќе од една година. Се запознавме случајно во Охрид, од каде што е таа.

Се освоивме меѓусебно, едноставно се случи. Не можам со сигурност да кажам кој прв почна да освојува кого, но, ете, за среќа завршивме заедно.

Ивана е многу мила, не е оптоварена со мојата професија, знае до каде може да оди и ме поддржува во сѐ што правам. Искрено, ме освои нејзината спонтаност и постојаност, многу е забавна, постојано насмеана и секогаш успева да ме смири.

Иако не е дел од естрадниот свет, таа многу добро се носи со пишувањето во медиумите. Едноставно, не им обрнува внимание на написите затоа што знае дека секој треба да си ја работи својата работа и тука нема никакви замерки“.

На прашањето дали е среќен што ќе добие ќерка или, можеби тајно посакувал син, Иван вели:

„Еднакво ќе се израдував и на син и на ќерка, иако мислам дека девојчињата се нешто навистина многу убаво за еден татко.

И морам да признаам дека потајно посакував да е ќерка. Само нека е жива и здрава, сѐ друго ќе си дојде само по себе.

За свадба ќе почекаме да се роди прво нашата принцеза, а за сѐ останато ќе бидете известени на време“.

Прочитајте и Иван Јованов, по врската со Антониа Гиговска, очекува дете со новата девојка - направи забава за откривање на полот

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело