Кристина Димитри за односот со бившиот сопруг: „Син ми нема полубрат, ниту брат – фамилијата е таа со која растеш“

Детали

среда, 29 ноември 2023

„Фамилијата е таа со која растеш“ – рече Кристина Димитри на прашањето дали Даниел Кајмакоски е вклучен во животот на нивниот син Давид. Како што вели, нејзиниот син не го запознал својот полубрат.

Нашата пејачка Кристина Димитри гостуваше во емисијата „Ти реков ми рече“ на Давид Давидовски, каде меѓу другото зборуваше и за односот со нејзиниот поранешен сопруг Даниел Кајмакоски, но и за односот што син ѝ Давид го има со него.

Таа одговараше на прашања поврзани со нејзиниот поранешен сопруг, и за тоа дали нивниот син го запознал својот полубрат Стефан, кој се роди во април годинава.

Кристина на својот Инстаграм профил сподели инсерт од емисијата каде што зборува за односот со Даниел, кој на почетокот на оваа година се ожени со непозната девојка и стана татко по вторпат.

Нашата пејачка рече дека во грижата за синот има најголема поддршка од нејзиното семејство – мајка ѝ, татко ѝ и брат ѝ.

Вели дека брат ѝ е клучна татковска фигура во животот на Давид, затоа што го носи на карате, фудбал и постојано е со него, а на прашањето дали детето се прашува каде е татко му и зошто не му помага, Кристина одговори:

„Не, не се прашува. Мојот син е израснат со мене, мајка ми и татко ми и ние сме негово семејство.

Кој и да го види, вели дека не видел посреќно и понасмеано дете“.

На прашањето дали Давид го запознал својот полубрат, многумина не го очекуваа директниот одговор на Кристина:

„Давид нема полубрат, нема брат, туку мојот брат го вика брат“.

На прашањето дали Даниел не се вклучува како биолошки татко, нашата пејачка дипломатски одговори:

„Фамилијата е таа со којашто растеш“ и не сакаше да одговори на прашањето дали поранешниот сопруг се јавува и прашува за биолошкиот син.

 Б. С. Б. | Црнобело