Почина Атина Апостолова – Доајен на македонската фолк музика

Детали

четврток, 07 март 2024

Македонската јавност се простува од Атина Апостолова, доајен на македонската фолк музика, која почина на 77-годишна возраст.

Веста за нејзината смрт ја потврди нејзината долгогодишна пријателка Вики Среброва, која откри дека пејачката била најдена мртва во нејзиниот дом, а веднаш потоа на местото пристигнала екипа на брза помош која констатирала смрт.

Освен Вики, веста за смртта на пејачката ја потврди и сестрата на Атина, Летка.

Фото: Фејсбук - Вики Среброва

Атина ќе остане запаметена по големиот број хитови, но и моќниот глас со кој настапуваше.

Атина била родена во преспанското село Л'к, во Егејскиот дел на Македонија, а детството го поминала во Скопје.

Таа потекнува од музичко, многудетно семејство.

Нејзиниот дедо ги обновувал и пеел црковните песни, а нејзиниот татко не бил музички образуван но свирел на кларинет.

Со пеење Атина се занимавала уште од најраната младост. Откривајќи го нејзиниот музички талент татко ѝ уште на петгодишна возраст ја запишал во музичко училиште.

Таму учела да свири клавир сè до четврто одделение. Нејзиниот прв настап бил во тинејџерските години.

Б. С. Б. | Црнобело