Едина Муса вежба со тежина: „Ако бременоста поминува без компликации, не ја третирајте како болест“

Детали

вторник, 08 октомври 2024

Едина Муса и во 21-та недела од бременоста не сопира со тренинзите со тежина. „Лежењето во кревет, јадењето за двајца и честото консумирање нездрава храна со изговор дека детето ви го бара тоа, се навистина погрешни навики“, вели таа.

Едина Муса, персонален тренер и поранешна кошаркарка, периодов ужива во бременоста.

Таа е во 21-та недела од бременоста, но тоа не ја спречува интензивно да вежба со тежина, секако прилагодено според моменталната состојба.

Со своите објави на социјалните мрежи ги инспирира и другите трудници дека физичката активност во бременоста е препорачлива и дека има низа придобивки.

Едина објави видео на кое вежба и вели:

„Лежењето во кревет, јадењето за двајца и честото консумирање нездрава храна со изговор дека детето ви го бара тоа, се навистина погрешни навики.

Ако бременоста поминува без компликации, не ја третирајте како болест – бремената жена не е болна жена. Всушност, носењето на два живота во едно тело е СУПЕРМОЌ!

Кога гледате трудници како безбедно вежбаат, важно е да разберете дека тоа не е само за нивното здравје, туку и за здравјето на бебето.

Бебињата родени од мајки кои вежбале за време на бременоста имаат:
- зголемени поттикнувања на мозокот и ендорфини;
- напреден невроразвој при раѓањето;
- нивните срца се посилни и поздрави благодарение на подобрениот проток на крв.

Од друга страна, жените кои редовно вежбаат за време на бременоста имаат:
- пократок и помалку стресен пораѓај,
- како и помалку случаи на хипертензија и ниска родилна тежина.

21 недела од 2 срца во едно тело.

@edinamusa10

Being a woman is a superpower👊🏻 21 week into pregnancy

♬ original sound - edinamusa10

С. С. | Црнобело