„Во салата кај што порасна мама“ – Едина Муса го покажа синот и ужива во негово друштво на натпревар

Детали

вторник, 18 ноември 2025

„Во салата кај што мама буквално порасна. Не можев да посакам подобро друштво за гледање утакмици“ – напиша нашата кошаркарка и го покажа синот Максим, кој долго време го криеше.

Едина Муса и Александар Димитровски - Мачка станаа родители на момче на 19 февруари 2025.

Тие му го дадоа името Максим, а иако Едина често споделува моменти со него на Инстаграм, долго време му го криеше ликот од следбениците.

Неодамна таа сподели неколку фотки на кои може да се забележи како изгледа слаткото момче во прегратка на мама, но и додека се дружи со нивниот миленик.

Сега кошаркарката објави и фотка со Максим во спортската сала „Кале“ и напиша:

„Во салата кај што мама буквално порасна. Не можев да посакам подобро друштво за гледање утакмици“.

Таа изгледа пресреќно додека синот ѝ е во прегратка, а не пропушта прилика и да покаже дека е во одлична форма, на која почна да се враќа уште еден месец по породувањето.

М. М. | Црнобело