Марис за животот во Шведска: „Aко помислите дека животот во Македонија е скап, тука две краставици се 2,5 евра“

Детали

петок, 10 јануари 2025

Марија Илиев од Штип, позната како „Марис“, на Инстаграм има повеќе од 60.000 следбеници, а во Шведска живее со сопругот. Открива детали како ѝ изгледа животот таму...

Македонската модна инфлуенсерка Марис веќе извесен период живее во Шведска. На својот Инстаграм профил таа постојано открива детали оттаму.

Марија Илиев од Штип, позната како „Марис“ има повеќе од 60.000 следбеници, а во Шведска живее со сопругот.

Сега, се пофали дека ќе се појави во шведски магазин, а сподели и фотографии од фотосесијата за магазинот на својот Инстаграм профил.

Таа, исто така, во видео на Инстаграм Стори ги прокоментира цените во Шведска.

„Ако мислиш дека животот во Македонија е скап тогаш потсети се дека две краставици во Шведска се 2,5 евра. Само две!“.

Марис откри и дека оди на часови по шведски јазик и дека сега нејзината група се зголемила на 30 луѓе, па се надева дека конечно ќе си пронајде другарка која сака да се фотографира, исто како неа, па заедно да креираат содржина за на Инстаграм.

Инаку, кога е во Македонија Марис ја користи секоја пригода за тоа кога ќе се сретне со нејзината пријателка Јелена Спенџарска, која живее на релација Скопје-Солун.

Марис во септември 2024 отворено проговори за естетската корекција на увото која ја направи во Државна болница кај д-р Игор Пеев“.

„Многу време се мислев дали да правам операција на увото.

Мене не ми се познава многу и никој не го забележуваше, но јас си забележував затоа што едното уше ми е малку клемпаво и ми пречеше“, изјави во таа пригода и охрабри многу девојки кои сметаат дека имаат проблем, но не говорат јавно на темата.

Целото нејзино искуство прочитајте го ТУКА!

 С. С. | Црнобело